جلال آباد شهریده گی ملی امنیت اداره سیگه گروهی هجوم اویوشتیریلدی

قوراللی عصیانچیلر بوگون ایرته لب محلی وقت بیلن ساعت بیش اطرافیده جلال آباد شهریده گی ملی امنیت اداره سیگه گروهی هجوم اویوشتیریب کمیده 6 نفر نی اولدیرگن مذکورهجومده 26 کیشی هم یرلنگن.

بی بی سی نینگ جلال آباده گی خبرنگاری ببرک میاخیل گه کوره، بیرینچیدن ایکی کوچلی پارتلش سیسی ایشیتیلیب کینچه لیک ینگیل قورال اوزیله باشله گن.

ننگرهار ولایتی نینگ ولایت حاکمی سوزچیسی عبدلزی هلاک بولگن لردن بیری و یره لنگنلردن اوچ کیشی سی ملی امنیت خادملری بولگنینی معلوم قیلگن.حاکم سوزچیسی نینگ ایتیشیچه باشقه قربان لر کیملیگی حاضرگه قدر انیق ایمس.

طالبان گروهی هجوم مسوولیتی نی اوز ذمه سیگه آلگن، اوشبو گروه سوزچیلریدن ذبیح الله مجاهد ینگیل و اغیر قورال بیلن جهازلنگن انتحارچیلر ملی امنیت اداره سیگه باستیریب کیرگنینی ایتگن.

ننگرهار ولایتی نینگ عمومی کسلخانه منبع لری، تورت جسد و 26 کیشی تن جراحتی الگن شخص کسلخانه گه آلیب کیلیگنی باره سیده معلومات بیرگن.

عبدلزی جنابلریگه کوره، هجومچیلر پارتلاوچی ماده جایلشتیریلگن موترنی امنیت اداره سی ایشگی مقابلیده پارتلش بیلن هجومنی باشله گن، قریب بیر یریم ساعت هجومچیلر و امنیت خادملری اره سیده توقنه شوو دوام تارتگن. حاکملیک سوزچیسی گه کوره ، توقنه شوو حاضر یکون تاپگن.

هجومچیلر نیچه کیشی بولگنی باره سیده ایکی تامان هم هیچ نرسه ایتمه گن.