اسلامی حزب کینگشلری: سیلاونتیجه سی تیزراق اعلان ایتیلسین

Image copyright AFP

اسلامی حزب کینگش لری بوگون کابلده ییغین اوتکزیب سیلاولرمستقل کمیسیونی وبیرلشگن ملتلرتشکیلاتی دن جمهور رئیسلیک سیلاو نتیجه سی تیزراق اعلان ایتیلیشی نی طلب قیلیب چیققن.

بوحزب سیلاونامزدلریدن سیلاونتیجه لرینی کیچیکتیریب مملکت وضعیتی نی تاباره بحران تامان ییتکلشمسلیگی بیلن آگاه لنتیرگن.

اسلامی حزب کینگش لری رهبرلری سابق گلبدالدین حکمتبار رهبرلیگی ده اعضا بولیب ایکینچی دور جمهور رئیس لیک سیلاوی ده جمهور رئیس نامزدلریدن اشرف غنی احمد زی نی قوللب قوتلشگندی.

اسلامی حزب شورالری تاماندن 2000گه یقین کیشی اشتراکی بیلن لویه جرگه خیمه سیده یولگه قوییلگن ییغینده بیرقطارلر سوزگه چیقیب سیلاونتیجه سی تیزراق اعلان ایتیلیشی نی طلب قیلدیلر.

بوکینگش لررهبری قاضی محمد امین وقاد تیگیشلی اداره لردن بوخصوصیده تیزراق قرارآلیش لرینی سوره دی."کمیسیون دولت وبیرلشگن ملت تشکیلاتی طلبیم شوکه نتیجه نی اعلان ایتسین، قیسی بیر آواز کوپ آلسه بیز قبول قیله میز، کیم غلبه قازانسه قرشی لیک کورسه تیلمسلیک کیره ک، رقیب دوری ایندی اوتدی"

شونینگ دیک بوییغینده ایکلله نامزد هم سیلاونتیجه سینی قبول قیلیش لری سوره لدی.

اولوسی جرگه اعضالریدن عبدالستارخواصی اهالی دن نامزدلرتیزراق کیلیب جریان دوام ایتگن تقدیرده کوچه لرگه چیقیب ناراضیلیک اویوشتیرلری کیره کلیگی تاکیدلشه دی."بوتون خلق دن طلبیم شوکه نامزدلرگه وقت بیریش لری کیره ک، جمهور رئیس بیرگن وقتی عملی بولمه دی، بوگون قسم یاد ایرته قسم یاد یولگه قوییلیشی ایتیلردی،بونگه کیشی حرمت قیلمه دی، خلق کوچه لرگه چیقیب نتیجه نی قبول قیلیشلرینی طلب قیلسن راییمیزگه حرمت قیلیش لرینگیزکیره ک دیسین لر"

عین حالده سوزگه چیققن لردن بیری مقابل نامزد تاماندن قیلینه دیگن تهدید لرجاینی آلمسلیگی نی ایتدی."ایریم لر یانمه یان حکومت قوره من، یا ارگگه زوربیلن کیره من دیب خلق آره سیده خوف توغدیرگن، بیلیش لری لازم، خلق قیین شرایطده آوازبیردیلر،اوزآوازلرنی سقلشگه هم قادرلر"

ییغین اشتراکچی لریگه کوره سیلاوجریانی چوزیلیب کیتگنی تورلی ساحه لرده ضربه ییتکزگن.

اسلامی حزب نامیده گی بوجریان جمهور رئیسلیک سیلاوی نینگ ایکینچی باسقیچیده اشرف غنی احمدزی دن حمایت ایتگندی.

بوشورالررهبرلری اوتمیشده، گلبدالدین حکمتیاررهبرلیگی آستیده گی اسلامی حزبگه اعضا بولگندی.

اما اولردن بیرقطارلری کرزی حکومتی دوریده واوندن آلدین بوحزب دن اجره لیب حاضرگی دولت چوکاتیده فعالیت قیلماقده لر.

گلبدالدین حکمتیاررهبریتیده قالگن اعضالری حاضر خارجی وافغانستان دولتی گه قرشی اوروشیب کیلماقده.

جمهور رئیس لیک سیلاوی نینگ بیرینچی باسقیچ یولگه قوییلگنیدن قریب 5آی اوتماقده.

بوندن نیچه کون آلدین عبدالله عبدالله سیلاوتیمی آوازلرنی تیکشیریش وبیکارایتیش جریانیده اولرتکلیف لری نظرده توتیلمه گنی سبب جریانی تحریم ایتدی.

واشرف غنی احمد زی تیمی هم یوناما تکلیفی بیلن جریانگه قوشیلمه دی. آوازلرنی تیکشیریش جریانی باشله نیشیدن بیری توخته تیلیشگه 5مرته بوله دی.

سیلاولرجریانی ایکی نامزدغیابیده بیرلشگن ملت لرتشکیلاتی وایچکی وخارجی نظارتچی لرحضوریده تیکشیریلماقده.

کرزی تاماندن بوجریان یکونله نیب 2سپتمبرده قسم یاد مراسمی اوتکزیلیشی طلب قیلینگندی.

اما بیرلشگن ملت تشکیلاتی تکلیفی بیلن ینه اون کون آرتگه قالدیریلدی.

شونگه قره مسدن ایکی نامزد اورته سیده ملی بیردملیک حکومتی توزیلیشی اوستیده مذارکره لر دوام ایتماقده.

اما کوریلیشیچه بولیب اوته یاتگن مذاکره لر یخشی نتیجه لی بولمه گنی ایتیلیب شوسبب سیلاومساله سی تیزآره ده یکون تاپیشی نی قیین لشتیریشی ممکن.

بوجریان جنجلی بیر مساله گه ایلنگنی اهالی، قطار تشکیلات لروجریان لرتنقیدلریگه سبب بولیب کیلماقده.