امریکا تشقی ایشلر وزیری یاردمچیسی کابل گه کیلگن

امریکا تشقی ایشلر وزیرلیگی نینگ اعلام قیلیشیچه اوشبو وزیرلیک یاردمچیسی داگ فرانتس "حاکمیت " تینچ یوللرآرقه لی تاپشیریلیشی خصوصیده گی پیام بیلن افغانستان گه کیلگن.

اعلامیه ده یازیلیشیچه جناب فرانتس امریکا تشقی ایشلروزیری جان کری واسطه چیلیگی بیلن ملی بیردملیک دولت تشکیل ایتیش خصوصیده کیلشوو عملی بولیشیگه تاکید قیلیشی ممکن.

عبدالله عبدالله سیلاوتیمی رایلرنی تیکشیریش جریانیدن راضی ایمسلیگینی اورغولب، طلبلری انابتگه الینمسه ملی بیردملیک دولت تشکیل ایتیش اوچون الیب باریله یاتگن مذاکره لرنی ترک ایتیشی بیلن آگاه لنتیرگن ایدی.

اما سنچارکی جنابلری سونگی اظهاراتیده ینه بیر نیچه ساعت مهلت بیریلگنینی ایتیب معما حلی اوچون خلق ارا سعی و حرکت لر باشلگنینی تیلگه آلگن.

اونینگ ایتیشیچه امریکا تشقی ایشلر وزیری جان کری عبدالله عبدالله بیلن تیلفونی صحبت قیلگن.همده او بیرلشگن ملتلر تشکیلاتی نینگ افغانستانده گی وکیلی یان کوبیش، امریکا ایلچیسی و اروپابیرلشمه سی ایلچیسی عبدالله عبدالله بیلن صحبت قیلگنینی ایتیب جدی مذاکره لر دوام ایتب کیله یاتگنیدن خبربیرگن.

باشقه تاماندن اشرف غنی احمدزی تیمی سوزچیسی فیض الله ذکی عبدالله عبدالله سیلاو تیم نینگ مذاکره لر باره سیده الگن قراری وجریاننی ترک ایتیشی بیلن آگاه لنتیریشی مملکت منفعتیگه ایمسلیگینی تاکیدله دی.