ناتو باش کاتبی: افغانستانده فرصت قولدن کیتماقده

Image copyright Reuters

ناتو باش کاتبی انرس فو راسموسن ، میلادی 2014 ییلدن سونگ افغان امنیتی کوچلری نینگ مشق وتیارگرلیک لردن اوتکزیش اوچون امنیتی پیمان امضاله نیشی اوته مهم لیگینی ایتیب،موجود فرصت قولدن کیته یاتگنینی تاکیدله گن.

ناتو یغینی باشلنمسدن آلدین ناتو باش کاتبی انرس فو راسموسن شوندی دیگن:" زمان اوته اهمیت لی امنیتی پیمان امضاله نیشی ممکن لیگینی تیز اره ده بیلیشیمیز لازم چونکی قرار آلیش زمانیده ایتیشماقده میز."

شونینگ دیک ناتو باش کاتبی ایککی نامزد دن سیلاو معماسیگه یکون بیریشلرینی طلب قیلگن. همده او ایککی نامزد هم غالب چیقن حالده امنیتی پیماننی زودلیک بیلن امضا قیلیشینی سوزبیرگنینی تیلگه آلگن.

امریکا قوشمه ایالت لری بیلن امنیتی پیمان امضالنگن حالده، میلادی 2014 ییلدن سونگ ناتو نینگ افغانستانده گی ماموریتی قانونی لشتیریله دی.

ناتو اعضالیگیده بولگن دولتلر بویغیندن الدین سیلاو نتیجه سی معلوم بولیب امنیتی پیمان ینگی جمهوررییس تمانیدن امضا قیلینیشیگه امیدوار ایدی. شونینگ دیک بو یغینده ینگی جمهوررییس اشتراک ایتیشی ممکن لیگی ایتیلرایدی.

لیکن سیلاولرنتیجه سی معلوم بولمه گنی اوچون. افغانستان وکیلی صفتیده مدافعه وزیری بسم الله محمدی مذکور یغینده اشتراک ایتدی.

حاضرگی شرایطده ناتو نینگ 44000 عسکری افغانستانده فعالیت آلیب بارماقده بوکوچلرنینگ افغانستانده گی حربی ماموریتی جاری ییل آخرلریده یکون تاپیشی ممکن.