افغان فقرالری عراقده اسلامی دولتگه باریب قوشیلگنلر

Image copyright

افغانستان تشقی ایشلروزیرلیگی افغان فقرالری عراقده اسلامی دولت گروهیگه قوشیلگنلیگی نی ایتگن.

وزیرلیککه کوره، اولرنینگ قوشیلگنلیگیگه اعتقادی مسله لر سبب بولگن.

ایران دولتی هم اسلامی دولت گه باریب قوشیلماقچی بولگن بیرقطار افغانلرنی قولگه آلگن.

افغانستان تشقی ایشلروزیرلیگی سوزچیسی اورین باسری سراج الدین سراج بی بی سیگه، افغان فقرالری هم باشقه مملکتلر فقرالری کبی عراقده اسلامی دولت گروهی گه باریب قوشیلگنلیگی نی رد ایته آلمسلیگی نی ایتدی.

اونگه کوره، بولر گروهی شکلده ایمس، بلکه شخصی روشده عراقده گی جنگه اشتراک ایتیشگن.

افغانستان تشقی ایشلروزیرلیگی سوزچیسی معاونی مذکور جنگده قتنشگن افغانلر سانی و قنده ی یوللر آرقه لی ییتیب بارگنلیکلرینی انیق معلوم قیلمه دی.

بوندن آلدین ایران ایچکی ایشلروزیری عبدالرضافضلی، عراق گه باریب اسلامی دولت گه قوشیلماقچی بولگن پاکستان فقرالری بیلن بیرگه کیته یاتگن بیرقطار افغانلر پاکستان فقرالری قولگه آلینگنینی ایتگندی.

افغانستان تشقی ایشلروزیرلیگی بو حقده عاموی اخبارات واسطه لری آرقه لی خبردار بولگن، اما رسمی منبعلرتمانیدن تصدیقلنمه گنی نی تاکیدله ماقده.

سراج الدین سراج نینگ ایتیشیچه، ایران قولگه آلینگن افغان فقرالری سانی انیقلنمه گن و قه یردن قه یرگه کیته یاتگنی معلوم قیلینمه گن.

سراج جنابلری، اوتیمشده ایران دولتی سوریه ده بشاراسد دولتی حمایه لنیشی اوچون اوییرده گی افغان مهاجرلریدن فایده لنگنی ادعا قیلینگنی نی ایتدی. اما ایران دولتی بو ادعا رد ایتگن.

افغانستان تشقی ایشلروزیرلیگی بورسمی سی، بو مملکت دولتی هیچ بیر مملکت گه افغانستان امکانیتی وفقرالری نی اوز فایده سیگه سوی استعمال قیلیشگه رخصت بیرمسلیگی نی تاکیدله ماقده.

بوندن آلدین افغانستان شمالیده گی بغلان ولایتیده بی بی سیگه اوزینی گلبیدین حکمتیار اسلامی حزب قوماندانلریدن دیب تنیشتیرگن شخص، بو حزب نینگ عراقده گی اسلامی دولت بیلن علاقه ده ایکنلیگینی ایتگندی، اما اسلامی حزب نینگ پاکستانده گی سوزچیسی هارون رزغون عاموی اخباراتگه بوادعا نی رد ایتدی.