اوباما نامزد لردن صحبتلرینی دوام بیریشنی سوره دی

Image copyright NATO

امریکا جمهوررییسی باراک اوباما افغانستان جمهوررییسلیک سیلاو نامزدلریدن سیلاو معماسی گه برهم بیریش اوچون مذاکره اوتکزیشلرینی طلب قیلگن. شو اساسده ایککی نامزد ایرته کابلده مذاکره اوتکزیشی کوتیله دی.

ملی بیردملیک دولت تشکیل ایتیش خصوصیده ایککی نامزدهم کیلیشگن، اما بو دولت قندی تشکیل ایتیلیشی و اجراییه رییسی قندی صلاحیت لرگه ایگه بولیشی اساسی جنجاللرگه سبب بولیب کیلماقده. بوندن آلدین عبدالله عبدالله سیلاو تیمی طلب لری انابتگه الینمسه بوگون نهای قرارلرینی اعلان ایتیشی بیلن آگاه لنتیرگن ایدی.

عبدالله عبدالله سیلاوتیمیگه کوره، کونی کیچه امریکا جمهوررییسی عبدالله عبدالله گه تیلفونی قیلیب سیلاو معماسیگه برهم بیریش اوچون ایککی نامزدنی مذاکره قیلیشگه چقیرگن. عبدالله عبدالله سیلاو تیم سوزچیلریدن فضل الرحمان اوریا بی بی بی سی بیلن بولگن صحبتیده ده قندی موضوع محاکمه ایتیلگنی باره سیده شوندی دیدی:"امریکا جمهوررییسی باراک اوباما نینگ عبدالله عبدالله بیلن آلیب بارگن 45 دقیقه لیک تیلفونی صحبتی سیلاو معماسی، سیاسی مذاکره لر و ملی بیردملیک دولت تشکیل ایتیلیشی خصوصیده قره تیلگن ایدی. عینی حالده اوباما جنابلری ایکی تیم رهبرلرینی ینه بیر بار صحبت قیلیشلرینی طلب قیلدی شو اساسده ایرته ایککی نامزد نینگ اوچره شیشلری ممکن."

اوریا جنابلریگه کوره؛ بولیب اوته جک بو اولتیرشده ایککی تیم اره سیده صلاحیت لر تینگ شکلده بولینیشی جمهوررییس صلاحیت لری خصوصیده صحبت آلیب باریله دی.شونینگ دیک او سیاسی مذاکره لر ینه ده نتیجه گه ایریشمه اصلاحات وهمگرالیک تیمی نینگ الدینکی موقعی اوزگرمسلیگینی ایتدی.

اشرف غنی احمدزی سیلاو تیم اعضالریدن، صدیق پتمن امریکا جمهوررییسی باراک اوبامانینگ اشرف غنی احمدزی بیلن تیلفونی صحبت قیلگنی باره سیده خبری یوق لگینی تاکیدلب، ایککی نامزد اوچره شیشی ریجه لشتیریلگنینی تیلگه آلگدی:"قوشمه کمیته تامانیدن ایریم موضوع لر ایککی نامزدگه تقدیم ایتیلگن، یعنی اجراییه رییس صلاحیت لری بو مذاکره ده محاکمه ایتلیشی ممکن،چونکی بو خصوصده ایککی تیم رهبرلری خلاصه چیقه ریشگه قرار آلینگن.ایککی تیم هم اساسی قانونگه ماس طلب لرینی ایلگری سورگنده کیلشووگه ایریشیش ممکن."

سیلاو معماسیگه برهم بیریش اوچون ایککی سیلاو تیمی تمانیدن قوشمه کمیسیون ایجاد ایتیلیب جنجاللی موضوع لرنی محاکمه ایتدیلر. همده ایککی نامزدهم نیچه بار عینی مساله حلی اوچون اوچره شدی، لیکن کورنیشیچه اجراییه رییس صلاحیتی خصوصیده یوزه گه چیققن جنجال حاضرگه قدرهم حل ایتیلمه گن.