عبدالله عبدالله: “قلابلیک “اساسیده تشکیل ایتیلگن حکومت نی بیرکون هم قبول قیلمیمیز

Image copyright Reuters

عبدالله عبدالله ملی بیردملیک حکومت تشکیل ایتیش اوچون آلیب باریلگن سیاسی جریان بحرانگه آیلنگنینی ایتیب شو اوچون سیلاو نتیجه سینی قبول قیلمسلیگی بیلن آگاه لنتیردی. اما عبدالله جنابلری ینه هم بوخصوصده طرفدارلری بیلن مصلحت اوتکزیشینی تاکیدله دی. ایککی نامزد ملاقاتی نتیجه سیز اعلان ایتیلیشی آرتیدن عبدالله عبدالله شوندی اظهارات بیلن چیقدی. عبدالله عبدالله بکونگی اوتکزگن مطبوعات انجمنیده ملی بیردملیک دولت تشکیل ایتیش اوچون مذاکره لربحرانگه ایلنگنینی تاکیدله دی. همده او، مستقل سیلاو کیمسیونی و دولت نی رقیب تیم منفعیتگه ایشله گنلیککه عیبلب چیقدی جناب عبدالله بو ایککی موضوع گه قره گنده ایککینچی دور جمهوررییسلیک سیلاو نتیجه سی اعلان ایتیلگن حالده هم قبول قیلمسلیگی بیلن آگاه لنتیردی:" "بوگون سیاسی مذاکره توختب قالگن، تقلب و تقلبدن کیلیب چیققن نتیجه ونتیجه نینگ اعلان ایتیلیشی نی اصلاقبول قیله یمیز" اما عبدالله جنابلری هرقندی شرایطده زوروانلیککه قول اورمسلیکلرینی ایتیب طرفدارلری بیلن مصلحت له شیب بوخصوصده قرارآلیشینی تاکیدله دی:" "افغانستان خلقی گه وعده بیره من، بیز زورانلیککه قول اوره دیگن تامان ایمس میز، زوردن فایده له نیش اویات بیلیب بوندن کوچ صفتیده قوللشنی ایستمه یمیز، خلق دن طلبیم شوکی اوزلرینی باسیب تورسین لر، هر بیر قرارنی اولربیلن بیرگه آله میز،خلققه ضررییته دیگن قرارنی آلمه یمیز". بوندن الدین هم عبدالله سیلاوتیمی مستقل سیلاوکمیسیونی نینگ رقیب تیم منفعیتگه ایشله گنلیککه عیبله گن ایدی، لیکن کمیسیون بو کبی ادعالرنی ردایتیب تفتیش جریانیدن ایککی نامزد طلب لری هم انابتگه الینیشینی معلوم قیلگن ایدی. اما اشرف غنی احمدزی سیلاو تیمی ایککی نامزد ملاقاتی دوستانه بولیب اوتگنینی اورغولب سیاسی مذاکره دوام ایتیشی ممکن لیگینی تاکیدله دی اوشبو تیم سوزچیلریدن طاهر زهیر:" ایککی نامزد ملی بیردملیک حکومت تشکیل ایتیلیشی خصوصیده کیلشگن ایدی ، اما اجراییه رییس قندی صلاحیت گه ایگه بولیشی اساسی جنجالگه سبب بولیب شوپیتگه قدر آلیب باریلگن سیاسی مذاکره لرنی نتیجه سیزلنتیردی . اشرف غنی احمدزی سیلاوتیمی اجراییه رییسی کابینه رییسی هم بولیش طلبی مقابل تیم تامانیدن ایلگری سوریلگنینی ایتیب بوطلبنی قانونگه قرشی ایکنینی تاکیدلب کیلماقده.