خارجی شرکت افغان حکومتی پولینی آلیب قاچیب کیتدی

Image copyright mopw

افغانستان عامه منفعت وزیرلیگی گه کوره، امریکا لیک وترکی قوریش شرکتی 237 کیلومتر یولنی قوریش آلدین دن تولنگن 107 میلیون دالرنی آلیب افغانستاننی ترک ایتیشگن.

افغانستان عامه منفعت وزیری نجیب الله اوژن نینگ بی بی سی گه ایتیشیچه ایککی ییل آلدین METAG , ECCI ناملی ترکی و امریکالیک شرکت غربی هرات ولایتی نینگ شمالی فاریاب ولایتی بیلن باغلاوچی حلقوی یول قوریش مسوولیتینی اوز ذمه سیگه آلگن ایکن. اما اولر بو ایککی ییل جریانیده بو لایحه نی عملی قیلیش اوچون هیچ قندی ایش قیلمه گن. شونینگ دیک اوژن جنابلری مذکور شرکت مسووللری هییت بیره می عرفه سیده تعطیل بهانه سی بیلن افغانستان دن قاچیب کیتگنلیک لرینی ایتدی.

عامه منفعت وزیرلیگی نینگ ایتیشیچه، بو شرکت لر عملی ایشنی باشله مسدن 107 میلیون دالرنی آلدین دن قولگه کیریتگن.اما اولر، آلگن پولنی قیته ریشدن باش تارتگن ، همده یول امنیتی دولت تامانیدن تامین لنمه گنی اوچون دولت تامانیدن جریمه توله نیشینی هم طلب قیلگن.

اما عامه منفعت وزیرلیگی بو پروژه امنیتی نی تامین لش اوچون 2 مینگ پلیس وظیفه لنتیریلگنینی تاکیدله دی. هرچند ییریک شرکت لر ایریم قوریش لایحه لرقراردادینی قولگه کیرتیش اوچون بانک لرده پول ضمانت قویشه دی.

عامه منفعت وزیرلیگی نینگ ایتیشیچه بو شرکت برچه کمچیلیک لرنی دولت گه نسبت بیریب ضمانت قوییگن پولینی هم بیرشکلده سقلماقچی بولگن.

بوندن الدین هم بو قوریش لایحه سی نینگ عملی بولمه گنیگه ناتینچ لیکلر اساسی عامل دیب کورسه تیلگن ایدی.

بو لایحه خرجتی تورت یوز میلیون دالر بولیب آسیا ترقیات بانکی تامانیدن تولنیشی ایتیلگن ایدی، قراردهم مذکوربانک تمانیدن بو شرکت گه بیریلگن.

عامه منفعت وزیرلیگی بو شرکت حجت لری یخشی تیکشیریلمه گنینی ایتدی. افغانستان وزیرلر کینگشی بو امریکالیک و ترکی شرکت معماسینی تیکشیریش اوچون مخصوص کمیته نی وظیفه لنتیرگن.

شونینگ دیک عامه منفعت وزیری نینگ ایتیشیچه باش قاره لاوچیلیک اداره سی تامانیدن هم بو قضیه ایزلنیشی تاکیدلنگن.