اشرف غنی احمدزی: اساسی قانون نی معامله قیلمیمن

ایککینچی دور جمهوررییسلیک سیلاو نامزدی اشرف غنی احمدزی ملی بیردملیک دولت تشکیل ایتیلیشگه قرشی ایمس لیگینی ایتیب، اما " اساسی قانون نی معامله قیلیشگه " حاضر ایمس لیگینی تاکیدله گن.

مطبوعات انجمنیده صحبت قیلگن جناب احمدزی بوباره ده شوندی دیدی:" اول دن ملی بیردملیک دولت تشکیل ایتیش خصوصیده راضیلیک بیلدیرگن ایدیم ملی بیردملیک دولت، کیچیک بیر سیاسی گروه گه تیگیشلی ایمس بلکه افغانستان قینچیلیگی نی حل قیلسین."

همده او اساسی قانون تشکیل ایتیلیشی کوتیله دیگن ملی بیردملیک دولت نینگ اساسی رکنی بولیشی کیره ک لیگینی تیلگه آلگن. اشرف غنی احمدزی و عبدالله عبدالله سیلاو تیملری ملی بیردملیک دولت تشکیل ایتیش اوچون نیچه هفته دن بیری مذاکره لر یولگه قوییب کیلماقده، اما اجراییه رییس صلاحیت لری باره سیده کیلیشه آلمه گنلر.

عبدالله عبدالله سیلاوتیمی اجراییه رییسی کابینه رییسی هم بولیشینی طلب قیله دی، بیراق اشرف غنی احمدزی سیلاو تیمی بو طلبنی قانونگه قرشی بیله دی.

اشرف غنی احمدزی جاری وضعیت باره سیده شوندی دیدی:" خلق بحران دن تشویش ده بیز مملکت ده بحران آلیب کیلیشیگه هیچ کیمگه رخصت بیرمیمیز." دیدی او.

عینی حالده او:" جیم تورگنیمیز کوچ سیزلیگیمیزدن دلالت بیرمیدی، مردم جنجال ایسته میدی بلکه تدبیر خواه لیدیلر." همده او، دولت دارلیک اوچون ایترلی تیارگرلیک لری بارلیگیگه ایشانچ بیلدیریب زودلیک بیلن سیلاو نتیجه سی اعلان ایتیلیشینی مستقل سیلاو کمیسیونیدن طلب قیلدی.

مستقل سیلاو کمیسیونی رایلرنی تیکشیریش جریانی یکون تاپگنینی ایتیب شکایت لرنی تینگلش کمیسیونی تامانیدن کوریب چیقیلگنیدن سونگ نهای نیجه اعلان ایتیلیشیدن خبربیرماقده.

احمدزی جنابلری نینگ ایتیشیچه، رایلرنی قیته تیکشیریش جریانی عبدالله عبدالله طلبی اساسیده عملی بولگن و نهای نتیجه هم یقین کونلرده اعلان ایتیلیشی ممکن.

اونینگ ایتیشیچه:" هر رای اوچ مرته تیکشیریلدی شوباعث بو سیلاو مشروع لیگی خصوصیده هیچ قندی شبهه قالمه دی."

حال بوکی عبدالله عبدالله تفتیش جریانیده طلب لری انابتگه آلینمه گنینی تاکیدلب سیلاو نتیجه سینی قبول قیلمسلیگی بیلن آگاه لنتیردی.