کرزی: ایکله نامزد کیلگوسی ایککی کونده نهای قرارگه ایریشیشلری ممکن

افغانستان جمهوررییسی حامدکرزی عالملر کینگشی اعضالری بیلن اوچره شیب، ایکله نامزد کیلگوسی ایکی کونده نهای قرارگه ایرشیشلری ممکن لیگینی ایتگن.جمهورییس کرزی بوگون ایککی نامزد بیلن اوچره شگنیدن سونگ شوندی فکربیلدیرگن.

کرزی نینگ سوزچیسی اورین باسری فایق احمدی بوصحبت لرایری –ایری اوتکزیلگنی نی ایتیب ، اما بوباره ده کوپراق تفصیلات بیرمه دی.

اصلاحات همگرالیک سیلاوتیمی سوزچیسی فاضل سانچارکی بی بی سی بیلن بولگن صحبتیده کرزی سیلاونتیجه لری اعلان ایتیلمسدن توریب سیاسی کیلیشووگه ایریشیش لری باره سیده تاکیدله گن.

اونگه کوره؛ کرزی بیلن اوتکزیلگن ملاقات نینگ اساسی موضوعی سیلاوجنجاللریگه یکون بیریب ایکی نامزد کیلیشووی بیلن نتیجه نینگ اعلان ایتیلیشی بولگن.

سانچارکی جنابلری نینگ ایتیشیچه کرزی بیلن نامزدلر اورته سیده بولیب اوتگن بوصحبت لرایری- ایری بولیب کرزی جنابلری تمانیدن سیلاونینگ بحراندن چیقریب قدرتنی تاپشیریلیش یولی ایکله نامزد کیلیشووگه ایریشیش بیلن

باغلیق لیگی تاکیدلنگن.

اصلاحات وهمگرالیک تیمی گه کوره کرزی؛ ایکی نامزد توافققه ایریشیشیدن باشقه بیر یول بولمه گنی نی تیلگه آلگن.

تحول وتداوم تیمی نینگ سوزچیلریدن طاهر زهیر، کرزی بیلن نامزدلرنینگ اوچره ششگنینی تصدیق لب تیز آره ده ایکی نامزد اره سیده مذاکره لر باشله نیشیگه امید بیلدیردی.

بوندن آلدین سیلاوجریانی جنجالگه ایلگنی سبب امریکا تشقی ایشلر وزیری افغانستان سفرقیلیب ایکله نامزد اورته سیده واسطه چیلیک قیلگندی.

بوندن آلدین وقتینچه لیک دولت تشکیل ایتیلیش لایحه سی باره سیده میش-میشلربارایدی. اما بواوچره شووده کرزی جنابلری بومساله نی رد ایتیشگن.

حالبوکی افغانستان سیلاولر مستقل کمیسیونی سیلاونینگ نهایی نتیجه سینی تیزآره ده اعلان ایتیشی نی ایتگن، اما سانچارکی گه کوره کرزی بیلن ایکله نامزد اورته سیده بولیب اوتگن ملاقاتده بیرینچی دن ایکله نامزد سیاسی کیلیشووگه ایریشیب کیین سیلاونتیجه سی اعلان ایتیلیشی وبونینگ آرتیدن ملی بیردملیک حکومتی تشکیلایتیلیشی اورغولنگن.

ایکینچی دور جمهوررییسلیک سیلاو خصوصیده جنجال یوزه گه چیقیب رایلرنی قیته تیکشیریشگه قرارآلیندی، همده ایککی تیم اشتراکی بیلن ملی بیردملیک حکومت تشکیل ایتیلیشی تاکیدلندی.

نامزدلر نیچه مرته بوخصوصده مذاکره لر اوتکزیب اجراییه رییس گه قندی صلاحیت بیریلیشی باره سیده کیلیشه آلمه دیلر. اجراییه رییسی کابینه رییسی هم بولیشی اساسی جنجالگه ایلنگن.