کرزی شانگهای ییغینیده منطقه ممکتلرینی تیروریزمگه قرشی کوره شیشگه چقیردی

Image copyright AFP

تاجیکستان پایتختی دوشنبه ده اوتکزیلگن شانگهای تشکیلاتیگه اعضا مملکتلررهبرلری نینگ اون تورتینیچی ییغینیده چیقیش قیلگن افغانستان رهبری حامدکرزی، بو تشکیلات اعضالریدن تیرورچیلیک گه قرشی کوره شیشده همکارلیک قیلیشلرینی طلب قیلدی.

قره گنده، افغانستان شانگهای تشکیلاتی نینگ رسمی اعضاسی ایمس، ایران وهندوستان مملکتلری قطاریده ناضر صفتیده ییغینده قتنشگن. اما دوشنبه ده اوتکزیلگن شانگهای تشکیلاتی بو ییغینیده افغانستان و اکراین وضعیتی بحث گه آلیندی.

شانگهای تشکیلاتی نینگ اون تورتینچی ییغینی ناتو کوچلری افغانستان نی ترک ایته یاتگنی ومملکت سیلاو جنجللری هنوزگچه حل بولمه یاتگن بیرچاغده اوتکزیلگن.

افغانستان جمهور رییسلیک سرایی مطبوعات خذمتی گه کوره، کرزی جنابلری کون سیین تهدیدی آشیب باره یاتگن تیرورچیلیک و ایکستیریمیست گروه منطقه خوفسیزلیگی نی خطرگه دوچ کیلیشی باره سیده آگاه لنتیرگن.

کرزی، تیرورچیلیک و ایکستیریمیست دن تشقی سیاست صفتیده فایده لنیش هیچ قچان فایده لی بولمه ی، اوزاق وقتگچه دوام ایتمسلیگی نی ایتگن.

افغانستان هردایم پاکستان نی بو مملکتگه اوز منفعتلریگه ایریشش اوچون تیرورچیلیک و ایکستیریمیست دن فایده لنیب، افغانستان سیاستچیلریگه باسیم اوتکزه یاتگنلیکده عیبله گن.

شانگهای تشکیلاتی نینگ بوگونگی ییغینی دستوریده سیاسی، اقتصادی، مطنقه خوفسیزلیگی، بو تشکیلات نینگ2025 ییلگچه کینگه یشی اوچون استراتیژیک لایحه، همده افغانستان واکراین وضعیتی اورین آلگن.

ایتیلیشیچه، بو کرزی جنابلری نینگ افغانستان جمهور رییسی صفتیده اینگ سونگی سفر بولگن و او بو ییغینده افغانستان جمهور رییسلیک سیلاو نتیجه سی تیزلیک بیلن اعلان ایتیلیشی باره سیده امید بیلدیرگن.