یوناما افغانستانده گی فعالیتلرینی چیکلنتیریشی باره سیده آگاه لنتیردی

Image copyright UNAMA

بیرلشگن ملتلر تشکیلاتی اوزیگه قرشی عیبلاولر دوام ایتدیریلگن حالده، افغانستان ده گی فعالیتلرینی چیکلنتیریشی ممکنلیگی باره سیده آگاه لنتیرگن.

اوتگن جمعه ده عبدالله عبدالله بیرقطار طرفدارلری بو تشکیلات نینگ مخصوص نماینده لرینی سیلاولرگه اره لشگنلیکده عیبله گن.

بیرلشگن ملتلر تشکیلاتی بوگوندن باشلب، افغانستان بویلب فعالیتلرینی چیکلنتیریشی باره سیده جدی آگاه لنتیردی.

اوتگن جمعه کونی جمهور رییسلیک نامزدی عبدالله عبدالله نینگ کابل جاده لریگه چیققن بیرقطار طرفدارلری، امریکا، بیریتانیا، جمهور رییس حامدکرزی و بیرلشگن ملت تشکیلاتی نینگ مخصوص نماینده سی یان کوبیش نی آوازلرینی اوغیرلنگنلیکده عیبلشدی.

یونامانینگ کابلده گی وکالت خانه سی بو اداره و خادملریگه قرشی عیبلاو وتهدیدلر دوام ایتدیریلگن تقدیرده، اوزی نینگ افغانستانگه کورسته یاتگن یاردملری نی کیسیب قویشی ممکنلیگی باره سیده آگاه لنتیردی.

بو تهدیدلرگه چیده ب بولمه یدی دییدی، بو اداره سی سوزچیسی نظیف الله سالارزی:"بیرلشگن ملتلر تشکیلاتی گه قرشی هر قنده ی لفظی هجوم و مستقم تهدیدلر قبول قیلنرلی ایمس، بی می تی نی تهدید قیلیش یعنی دنیا همجعیتی قیلینگنینی کورسته دی".

بو تشکیلات موجود وضعیت باره سیده چقور تشویش بیلدیریب، مزارشریف ده گی اداره سی خادملریگه قرشی توغریدن توغری تهدیدلر سبب، بوییرده گی خادملرینی تینچ محلگه اوتکزیشده مصلحت قیله یاتگنی نی معلوم قیلدی.بو تهدیدلر اوته جدی، دییدی سالارزی جنابلری:"بو مسله اوستیده هم مصلحت آلیب باریلماقده و حاضرچه هیچ قنده ی رسمی قرار آلینمه گن، اما بیرلشگن ملتلر تشکیلاتی خادملری گه قرشی هرقنده ی تهدیدلرگه جدی قره یدی".

جمهور رییسلیک ایکینچی دور سیلاو نینگ باشلنغیچ نتیجه سی عبدالله تمانیدن رد ایتیلگنی دن سونگ، ایکله نامزد بیرلشگن ملتلر تشکیلاتی نماینده سی و امریکا تشقی ایشلروزیری نینگ واسطه چیلیگ بیلن برچه آوازلر بی می تی، ایکله نامزد، تشقی و ایچکی ناظرلر نظارتیده قیته سنه لیشی باره سیده کیلیشیب آلیندی.

اما عبدالله عبدالله تیمی بیر نیچه بار اعتراض دن سونگ، تفتیش جریانی نی تحریم ایتیب، اوتگن دوشنبه ده رقیب تیمی بیلن سیاسی کیلیشوولرنی نتیجه سیز اعلان قیلدی.