اولوسی جرگه خوف سیزلیک ییغینی جنجلگه ایله نیب کیتدی

Image copyright Parliament

بوگونگی اولوسی جرگه ییغنی مملکتده امنیت یامانله شیب باره یاتگنی افغانستان اولوسی جرگه نینگ اساسی تشویش لری بیلن بیرگه ایدی.

شو سبب افغانستان اولوسی جرگه سی مدافعه وزیری مملکت نینگ یوقاری مرتبه لی امنیتی رسمی لری نی خوف سیزلیک وضعیتی باره سیده ایضاح بیریشی اوچون چقیرگن ایدی. بو ییغین بیر لحظه اداری هیات کنترولی دن چیقیب جنجلگه ایلندی.

جلسه باشله نیشی بیلن بیرقطار ملت وکیللری چقریلگن مملکت رسمی لریدن امنیت بوزیلیب باره یاتگن لیگی خصوصیده سواللربیردیلر.

وافغانستان مدافعه وزیری جواب بیره یاتگن چاغده ملت وکیللریدن رمضان بشردوست اونینگ سوزینی کیسدی اونی " ملاعمروکیلی " دیب تیلگه آلیب جلسه نی ترک ایتدی.

بشردوست جنابلری" وزیرجنابلری ملا عمرنینگ سوزچیسی دیک سوزیوریته دی، بونیمه معنا نی افاده قیله دی دیدی"

محمدی جنابلری اونینگ سوزلریگه مناسبت بیلدیریب بشردوست نی" اوزگه لرجاسوسی دیب ایتدی.

افغانستان مدافعه وزیری : " ملا عمر اوزینگ سن، بیگانه لر بویروغی بیلن کیلگن سن، اوتیرجوابینگ نی بیره ی، سین مینی حقارت قیله سن" دیدی

ایتیلیشیچه رمضان بشردوست نینگ خلق آره سیده طرفداری کوپ، اما اونینگ اولوسی جرگه گه بیلدیرگن مناسبت لری گه قرشی لیک کورسه تیلیب وشو مساله لراوچون نیچه مرته مجلسدن هیده لگن.

شونینگ دیک مدافعه وزیری افغان امنیتی کوچلری تشقری دن حمایت بوله دیگن عصیانچی لربیلن اوروشه یاتگن لرینی ایتدی.

او هرییلی اوتیشی بیلن دولت مخالف لری هجوم لری آشگنی نی ایتب وافغان امنیتی کوچلری بوبیلن دوچ کیلیب تورگن لر. اما اولربوهجوم لری بیلن مهم یوتوققه ایگه بولمه گن لرینی تیلگه آلدی.

جلسه باشیده اولوسی جرگه نینگ رهبری عبدالرووف ابراهیمی سونگی آیلرده یوزبیرگن ناقرارلیک لرملت وکیللری نینگ تشویش لریگه سبب بولگنی نی معلوم قیلدی.

بوگونگی جلسه گه افغانستان مدافعه وزیری بسم الله محمدی، ایچکی ایشلروزیری عمر داوود زی وملی امنیت اداره سی نینگ وقتینچه لیک رهبری حسام الدین حسام لرچقیریلگندی.

اوتگن کونی هم سنا مجلسی، مملکت نینگ امنیتی اداره لررسمی لرینی چقیرگندی.

مدافعه وایچکی ایشلروزیرلری امنیتی کوچلر تلفاتی، قوراللی لرهجوم لری شدتلشگنی وشونینگ دیک پاکستان تاماندن دیورند چیزیغی آقیمیده خندق قزیله یاتگنی باره سیده خواطربیلدیریشگندیلر.

بوییل نینگ اخیریگچه ناتورهبریتی ده بولگن خلق ارا کوچلراوزکوچلری نینگ کته قسمی نی بومملکتدن آلیب چیقه دی وافغان امنیتی کوچلری ایسه مستقل روشده مدافعه ایتیشگه شی بولیب توریش لری لازم لیگی اورغولنه دی.

امنیتی کوچلری یخشی جهازلنمه گنی، بولرنینگ تلفاتی آرتیب باریشی و قوراللی مخالف لر هجومی کوپه ییشی خارجی کوچلر چیقیب کیتگندن سونگ افغان کوچلری مقابلیده تورگن اساسی معما دیه کورسه تیلماقده.

اوتگن کون، کابل شهری نینگ مهم محللریده انتحارچی بیر شخص خارجی کوچلرگه قرشی هجوم اویوشتیریشگه موفق بولدی. بو حادثه ده اوچ چیت ایللیک عسکر هلاک وباشقه 13 نفر یره لندی.