جهادی رهبرلر سیلاو بحرانیگه برهم بیریشی ممکن می؟

Image copyright ARG

یقین زمانده سیلاو نیتجه سی اعلان ایتیلیشی ایتلر ایکن، جهادی رهبرلرجمعه کونی ایککی نامزد بیلن اوچره شیب اولرنی مراثه گه کیلتیریشگه اورینیب کوریشماقچی، اولر بوگون جمهوررییسلیک سرایده بولیب اوتگن ملاقات لر آرتیدن بوکبی توختمگه کیلیشگن.

جمهوررییس حامدکرزی رهبریتی آستیده بولیب اوتگن بو اوچره شووده جهادی رهبرلردن صبغت الله مجددی، عبدرب الرسول سیاف، پیرسید احمد گیلانی، همده سنا و اولوسی جرگه ررییسلری و عالی محکمه باشلیغی اشتراک ایتگن ایکن.

جمهوررییسلیک سرای تامانیدن نشر ایتیلگن اعلامیه ده یازیلیشیچه، یغین اشتراک چیلری سیلاو جریانی چوزیلیشیدن تشویش بیلدیریب ایککی نامزد بیر توختم گه کیلیشیشی ضرور لیگینی اورغوله گن لر.

عینی حالده اولر ملاقات لر ارتیدن جمعه کونی ایککی نامزد بیلن اوچره شیب اولرنی مراثه گه کیلتیریشگه اورنیب کوریشلریگه قرار قبول قیلگن.

جمهوررییس حامدکرزی و اورین باسرلری جهادی رهبرلر بو قرارینی خوش قرشیلیب حمایت بیلدیریشینی تاکیدله گن.

ایککی سیلاوتیم رهبرلری ملی بیردملیک دولت تشکیل ایتیش اچون نیچه بار مذاکره اوتکزدیلر، بیراق بو سیاسی مذاکره لر نتیجه بیرمه دی.

اجراییه رییس صلاحیتی، سیلاو نتیجه سی کیلشوودن الدین یاکی کیین اعلان ایتیلیشی ، همده قدرت قندی بولینیشی ایککی تیم اره سیده اساسی جنجاللرگه سبب بولیب کیلماقده.

هرچند اوتگن کون تحول و تداوم تیمی نینگ سوزچیسی فیض الله ذکی، اجراییه رییس صلاحیت لری باره سیده کیلیشیلگنینی ایتیب باشقه ایککی اختلافلی موضوع خصوصیده هم کیلیشیشگه امید بیلدیرگن ایدی.

اما اصلاحات و همگرالیک تیمی سوزچیلریدن فاضل سنچارکی ،ذکی جنابلری نینگ بو اظهاراتینی رد ایتیب هیچ قندی مراثه گه ایریشیلمه گنینی تیلگه آلدی. شوباعث جناب سنچارکی سیاسی کیلشوودن آلدین سیلاو نیتجه سی اعلان ایتیلسه عاقبتی اوته خطرلی بولیب مسوولیتی سیلاو کمیسیونلری ذمه سیگه ایکنلیگی بیلن آگاه لنتیردی.

شکایت لرنی تینگلش مستقل سیلاو کمیسیونی بوگون توشدن کیین مطبوعات انجمنی اوتکزیب سیلاو نتیجه سی خصوصیده گی نهای قرارینی صادر ایتدی.

اوشبو کمیسیون رییسی ستار سعادت کنفرانس یکون تاپگنیدن سونگ نهای قرار سیلاو کمیسیونیگه یوباریلشدن خبربیردی. شونینگ دیک او، سیلاو کمیسیونی 24 ساعت گه قدر بو کمیسیون قراریگه اعتراض بیلدیریشگه حقلی بولگنینی اورغولب هیچ قندی شکایت بیلدیریلمه گن حالده؛ نهایی قرار تیزلیک بیلن اعلان ایتیلیشی کیرک لیگینی تاکیدله دی.