BBC navigation

طالبان غزنی بیر نیچه تومنلری یوللرینی کیسیب قویشگن

Сўнгги янгиланиш 22 сентябр 2014 - 11:12 GMT

افغانستان جنوبیده گی غزنی ولایتی محل مسوول ملازملری، طالبان ولایت نینگ بیر نیچه تومنلری قتناو یوللرینی کیسیب قویگنینی ایتیشگن. یولاوچیلر ایسه، بیر جایدن باشقه جایگه کیته آلمه یاتگنلیکلریدن شکایت قیلیشگن.

غزنی ولایتی حاکمی معاونی محمدعلی احمدی نینگ بی بی سی ایتیشیچه، طالبان ناهور، جغتوی، قره باغ، مالیستان، اجرستان و جاغوری تومنلری قتناو یوللرینی کیسیب قوییشگن. اونگه کوره، اوزلرینی طالبان خطاب قیله یاتگن بیر قطار گروه لر یوللرده نقلیه واسطه لرینی توخته تیب قویشگن.

غزنی حاکمی معاونی، طالبان گروهی گه قره شلی شخصلر هیداوچیلرنی مذکور یولدن اوتیب توره ویره گن، حالده موترلرینی اوتگه یاندیریب، اوزلرینی اولدیریشلری ممکنلیگی باره سیده آگاه لنتیرگن دییدی.

بی بی سی نینگ غزنی ده گی مخبری نینگ خبر بیریشیچه، اونلب یولاوچی غزنی شهری بیکتلریدن بیریده توپله نیب، پنجشنبه کوندن بیری طالبان اولرنینگ باردی کیلدی یوللرینی کیسیب قویگنلیکلری باره سیده شکایت قیلیشگن.

جغتوی تومنی اهالی سیدن بولگن بشرمل، اولرنی غزنی شهری بیلن باغله یدیگن تومن قتناو یوللری تینچ سیز و بوتونله ی یاپیلگنینی ایته دی.

بشرمل، اوتگن چهارشنبه کونی مذکور یولده ایکی یاش ییگیت اوغیرلنیب، حاضرگچه اولرنینگ تقدیری حقیده بیرار خبر یوق دییدی.

غزنی اهالیسیدن بولگن عبدالقادر اسملی باشقه بیر شخص ناتنیش قوراللی شخصلر خوگیانی و واغز تومنلریده دیوارلرگه "یشه سین داعش و یشه سین امارت اسلامی مجاهدلری"دیب شعارلر یازماقده دییدی.

غزنی اهالیسی مذکور تومنلر قتناو یوللری یاپیلگنی، نرخ ونوا آشیشی و کسللرینی غزنی شهریگه ییتکزه آلمسلیکلریگه سبب بولگنینی ایتیشماقده.

غزنی حاکمی معاونی، مذکور یوللرنی قیته آچیش اوچون یول آقیمیده خوفسیزلیک پوسته لر اورنه تیشلری باره سیده سعی و حرکت قیلیشلرینی تاکیدله ماقده.

احمدی نینگ ایتیشیچه، یوللر آقیمیده اوغیرچیلیککه قول اوره یاتگن شخصلرگه قرشی جدی یانده شیب، یوللرنی قیته دن یولاوچیلر یوزیگه آچیشگه خوفسیزلیک کوچلریگه دستور بیره دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.