ضیالی لرنینگ بدخشانگه اوزبیک تیلی درسلیکلری نی یوباریشیگه نیمه اونده گن؟

تعلیم کوره دیگن بدخشانلیک اوقووچیلرآنه تیللریدن محروم قالمسلیک لری سبب بیرقطارضیالی لرومدنی فعاللربازارلردن کتاب آلیب ییتکزیش اوچون سعی وحرکت نی باشله گن لر.

بوکتاب لربدخشان ولایتی نینگ ارگو تومنیده جایلشگن مکتب لردن بیریگه ییتکزیب بیریله دی.

یقینده پایتخت کابلده بیرقطارمدنی جماعه اعضالری اوز امکانیت لریگه قره ب یوزلب جلداوزبیک تیلی درسلیگی ساتیب آلیب بدخشان ولایتی ارگوتومنیده گی اوزبیک تیلی اوقووچیلریگه ییتکزیب بیریش نی مقصد قیلیشگن.

هرچند دولت اوزیگه تیگیشلی مکتب لرگه درسلیک کتاب لرنی چاپ قیلیب ییتکزیشگه مسوول، اما اوتگن ییللرده دولت تاماندن چاپ ایتیلگن کتاب لرسانی آزلیگی ایسه اهالی تمانیدن دایم شکایت لربیلن بیرگه.

بوکتاب لربدخشان ولایتی نینگ ارگو تومنیده جایلشگن مکتب لردن بیریگه ییتکزیب بیریله دی.

ساتیب آلینگن 600جلد درسلیک کتابلرپولی مدنی جماعه اعضالری تاماندن تولنگن.

بوکتابلرنی کیلگوسی بیرنیچه کونده ییتکزیب بیریش مقصد قیلینگن.

اوزبیک تیلی درسلیک لری گه عاید بو کتاب لربیرینچی صنف دن آلتینچی صنفگچه بولگن.

بوتشبثنی ایلگری سورگن لردن بیری نینگ ایتیشیچه بوندن مقصد دولت تاماندن اوزبیک اوقووچیلری آنه تیللریدن محروم قالمسلیگی بولگن.

شونینگ دیک مملکتدن تشقریده حیات کیچیره دیگن افغان لردن بیری تاماندن بومکتب نینگ اساسی احتیاج لری برطرف ایتیلیشی اوچون بیرمقدارپول هم یاردم بیریلگن.

درسلیک کتاب لردن بیرقسمینی ساتیب آلیب بیرگن لردن بیری هم شاعرویازووچی استاد کاظم امینی جنابلری بولگن.

اونگه کوره اوزتیلداشلریگه شخصی یاردمینی کورسه تیش بیلن بورچینی ادا قیلگن.

اوزبیک تیلی اوچون خصوصی سعی وحرکت لرآرقه لی درسلیک کتابلرنی دولتی مکتب لرگه ییتکزیب بیریش مساله سی ایسه بیرینچی باریولگه قوییلماقده.

فاریاب بیلیم یورتی استادی احسان الله قووانچ نینگ ایتیشیچه اوزبیک تیلی درسلیک لری آزلیگی بیربدخشان ده ایمس، بلکی اوزبیک لر استقامت قیله دیگن برچه ولایت لرده بار. اودولت گه قره می، بوکبی تشبث لرنی تیل نینگ رواجی اوچون اوته مهم دیب تاکیدلشه دی.

عین حالده تیل بوییچه متخصص لر، بوایش لردولت گه چیکله نیب قالمسدن مکتب لراحتیاجی برطرف ایتیلیشی اوچون بوکبی سعی وحرکت کینگه ییشی کیره کلیگی گه امید بیلدیرماقده لر.

بوتشبث عملگه آشیشی اوچون سعی وحرکت قیلیب کیله یاتگن ضیالی لراوزبیک تیلی کتاب لری مکتب لرگه ییتکزییلشی اوچون وزیرلیککه مراجعه قیلیشگن لرینی ایته دیلر،اما بو طلب لریگه بها بیریلمه گن.

یاشلردن نثاراحمد تویغو دولت اوز مسوولیتی نی ادا ایتیش اوچون ملت وکیللری ومدنی جماعه فعاللری تاماندن مجبورقیلیشی کیره ک لیگی نی تاکیدلشه دی.

افغانستان معارف وزیرلیگی رسمی لری بو تیلده کتاب لرسانی آزلیگی نی تصدیقلشه دی. اما برچه درسلیک لرنی کوپ سانده چاپ ایتیش اوچون کیره کلی مبلغ اختیارلریده بولمه گن.

بو وزیرلیک نینگ تعلیمی نصابی نینگ اوزبیک تیلی بوییچه مسوولی اتوبی الله قویاش بدخشانده گی مکتب لرده کتابلر ییتیب بارمه گنی نی تن آله دی.

حاضرگه قدر دولت تاماندن اوزبیک تیلی درسلیگی گه عاید قریب300یوزمینگ جلد کتاب چاپ ایتیلگن.

متخصص لرگه کوره شونگه اوخشش نیچه برابرکتاب چاپ ایتییلشی بیلن مکتب اوقوچیلری نینگ کتابگه بولگن قیینچیلیگی برطرف ایتیلیشی ممکن.

بوگونگی کونده اوقووچیلرآنه تیللریدن محروم قالیش تشویشی بیرکتاب آزلیگی بیلن چیکله نیب قالمه گن، بلکی اوتگن نیچه ییلده اونلب اوقیتووچی تربیه بولیشیگه قره مسدن هلی هم مسلکی اوقیتووچی گه بولگن احتیاج بوساحه ده کوپ لیگی تیلگه آلینماقده.