اروپا بیرلیگی اونلب میلیون دالریاردم بیردی

اروپا اتفاقی قیشلاق لرنی رواجلنتیریش اوچون افغانستان دولتی گه 116میلیون دالریاردم بیردی.

بویاردم شرطنامه سی اروپا بیرلیگی وکیلی و افغانستان مالیه وزیری اورته سیده امضالندی.

سیلاونتیجه سی اعلانیدن کیین ایلک یاردم خارجی لرتاماندن بومملکت گه کورسه تیلماقده.

بوندن آلدین سیلاوجنجللری سبب بیرقنچه خارجی مملکت لر اوز یاردم لرینی وقتینچه لیک توخته تیب قویگندیلر.

اروپا بیرلیگی تاماندن کورسه تیلگن بو یاردم لر افغانستان بویلب قیشلاق لرنی رواجلنتیریش برنامه سینی حمایت ایتیش اوچون یاردم بیریلگن.

بوشرطنامه بوگون افغانستان مالیه وزیری حضرت عمرزاخیل وال اروپابیرلیگی هیاتی اورین باسری ستیفن هوبر وافغانستان قیشلاق لرنی رواجلنتیریش وزیری اورین باسری حضوریده امضالندی.

افغانستان مالیه وزیرلیگی قیشلاق لرنی رواجله نیشی افغانستان دولتی نینگ اعتباربیره دیگن اینگ مهم ایشلریدن بولگنی نی ایتدی.

بو وزیرلیک وزیری حضرت عمر زاخیل وال کته مقدارده بولگن بو یاردم اهالی حیاتی نی یخشی لش اوچون ایکی ساحه ده صرفله نیشیدن خرسندلیک بیلدیردی."بوگوگونگی شرطنامه بهاسی 90.5میلیون یورو 116میلیون دالرگه تینگ دیرقیته ریب آلینمه یدیگن مبلغ،اروپا بیرلیگی تاماندن یاردم بولگن، ایکی مهم برنامه بیری ملی بیردملیک برنامه سی ایکینچی سی یول قوریش برنامه سی دیربوایسه قیشلاق لرنی رواجلنیتریش وزیرلیگی تاماندن عملگه آشیریله دی"

زاخیل وال جنابلری اروپا بیرلیگی افغانستان دولتی گه ایشانچی آشگنی سبب بویاردمنی کورستگنی نی ایتدی.

دولت رسمی لری بویاردم آرقه یولگه قوییله دیگن برنامه لرقچان باشله نیب وقنچه مدتنی آلیشی باره سیده معلومات بیریشمه دی.

اوتگن ییللرده اروپا بیرلیگی افغانستان اهالی سی نینگ یشم شرایطی یخشله نیشی اوچون اینگ کته مقدارده یاردم بیره دیگن یاردم ایتووچی حسابلنه دی.

بوندن تشقری اروپا بیرلیگی میلادی 2003ییلدن بیری قیشلاق لرنی رواجلنتیریش ساحه سیگه اونلب میلیون دالریاردم بیریب کیلگن.

عین حالده قیشلاق لرنی رواجلنیتریش وزیرلیگی قیشلاق لرده یولگه قوییلیب کیله دیگن برنامه لریخشی نتیجه بیرگنی نی معلوم قیله دی.

بو وزیرلیک اورین باسری محمد طارق عصمتی قیشلاق لرنی رواجله نیش برنامه سیدن 80فایزچیککه حدودلرده گی اهالی بهر ه مند بولگنی نی ایتدی.."برنامه لرنی عملی ایتیش صلاحیتی قیشلاق لر نینگ رواجله نیش کینگشلری گه تاپشیریلگنی سبب یخشی نتیجه بیردی، بوندن کیین هم شو طرزده دوام ایته دی".

هرچند اوتگن نیچه ییلده دولت ونادولت تشکیلات لرتاماندن قیشلاق لرنی رواجلنتیریب اهالی گه ایش زمینه سی یره تیلیشی اوچون یوزلب برنامه لریولگه قوییلیب کیلگن، لیکن شونگه قره مسدن هلی هم اهالی اوچون ایش سیزلیک وطبیعی آفت لرکورسته دیگن خساره ویوللرنینگ بوزیق لیگی اساسی معما حسابلنه دی.