نیکولاس هیسم افغانستانده گی بیرلشگن ملت لرتشکیلاتی نینگ مخصوص وکیلی بولدی

Image copyright UNAMA

بیرلشگن ملت لر تشکیلاتی نینگ اعلان ایتیشیچه بیرلشگن ملت تشکیلاتی باش کاتبی بانکی مون افریقالیک نیکولاس هیسم نی یان کوبیش اورنیده مخصوص وکیلی قیلیب تعیینله دی. هیسم بوندن آلدین کوبیش نینگ سیاسی اورین باسری ایدی.

اسلواک دیپلماتی یان کوبیش جنابلری میلادی 2011ییلدن بیری بانکی مون وکیلی بولیب افغانستان ده خذمت قیلیب کیلگندی.

هجری قویاش 1393ییلده بولیب اوتگن جمهور رئیسلیک سیلاوی نینگ نظارت ایتیش اونینگ مهم ایشلریدن بیری حسابلنه دی.

بیرلشگن ملت لر تشکیلاتی نینگ سوزچیسی میلادی 2012ییلدن بیری کوبیش جنابلری نینگ سیاسی اورین باسری نیکولاس هیسم بوندن کیین افغانستانده گی بیرلشگن ملت لرتشکیلاتی وکیلی بولیشی ممکن دیب ایتدی.

هیسم جنابلری حقوق بوییچه تحصیل آلگن. واوتمیشده بیرلشگن ملت لرتشکیلاتی کاتبی واوندن آلدین میلادی 2005تا2007ییل عراقده بیرلشگن ملت لرتشکیلاتی چارچوبیده اساسی قانون لایحه سینی حمایت ایتووچی رهبری صفتیده ایشله گن.

سیلاوجریانی نی نظارت ایتیش یان کوبیش جنابلری نینگ اساسی ایشلریدن بیری بولگن.

کابلده گی بیرلشگن ملت لرتشکیلاتی هیاتی هیسم جنابلری نینگ شرح حالینی یازیب اونینگ جنوبی افریقا رهبری وجمهور رئیسی نلسون ماندلا نینگ حقوق اداره سی باش مصلحتچیسی بولگن.

اومیلادی 1952ییل دنیاگه کیلیب جنوبی افریقاده ادبی ساورین سزاوری بولدی.

افغانستانده گی بیرلشگن ملت لرتشکیلاتی نینگ ینگی وکیلی افغانستانده گی بیرلشگن ملت لرتشکیلاتی ریاستی یا یوناما مسوولیتی نی اوز بوینیگه آلیشی ممکن.

یوناما تشیکل ایتیلگن ییللریده تاثیرلی صلاحیت گه ایگه ایدی، اما زمان اوتیشی بیلن اوز رولی نی قولدن بیره باشله دی، حاضرگی کونده افغانستانده گی سیاسی اوزگریش لرگه بولگن تاثیری اونچه لیک کوپ ایمس.