آلتی آیده مملکتده 245جنسی زورلش واقعه سی یوزبیرگن

افغانستانده گی عیاللرگه تیگیشلی فعالیت قیلیب کیله یاتگن نادولت تشکیلات لردن بیری جاری میلادی نینگ 6آی اولیده جنسی زورلش حاللرینی اورگه نیش اوچون بومملکت نینگ 6ولایتده اوتکزگن تیکشیروویده 245جنسی زورلش واقعه سی یوزبیرگنیدن خبر بیرگن.

بوتشکیلات گزارشیده عملگه آشیریلگن جنسی زورلش حاللریدن کمیده 25فایزینی بلاغت یاشیگه ییتمه گن باله لرتشکیل بیره دی.

جنسی زورلش عامللری، زورلنگن لرنینگ عایله اعضالری، زوره وان شخص ونفوذلی کیشی لربولیشگن.

ینگی نوا افغان عیاللرناملی تشکیلات ایسه بو تیکشیروونی هرات، بلخ، قندوز، تخار، جوزجان وسرپل ولایت لری ده یولگه قویشگن. زورلنگن 245 کیشی دن 25باله بوواقعه طفیلی عالمدن اوتگن.

وزورلنگن لردن 65فایزینی هم 6آیلیکدن13 یاشگچه بولگن باله لرتشکیل بیره دی.

بوتیکشیروو ده 2000کیشی قتنه شیب ایرکک وعیال دن عبارت بولگن اهالی نینگ تورلی قتلمی گه قطار سواللربیریلیب فکرلری بوخصوصده اورگه نیلگن.

بوتشکیلات مسوولی شفیقه حبیبی مذکورولایت لرده بو واقعه لر تیز- تیزلریوزبیریب تورگنی اوچون بوولایت لرنی تنله گن لرینی ایته دی.

خانم حبیبی گه کوره جنسی زورلش واقعه لری باره سیده گی تیکشیروو اهالی دن قولگه کیلتیریلگن معلومات بولگن."بولراوزلری یقیندن کورگن 245جنسی زورلشنی ایتگنلر، اهالی گه علاقه لی تیکشیروایدی، اهالی گه سوال بیریلیب بورقم قولگه کیلگن، جنسی تجاوزمیزانی اوتگن ییلگه نسبتن بوییل آشگن" دییدی بوتشکیلات رهبری خانم حبیبی

عین حالده افغانستان خاتین قیزلروزیرلیگی بورقمنی تصدیقله یدی. اما اهالی آره سیده بوواقعه لراویات حسابلنگی اوچون فقط بورقمدن 8واقعه سی اولرگه مراجعه قیلگن.

بو وزیرلیک اورین باسری سیده مژگان مصطفوی بوکبی حالت لربوندن هم کوپ دیب، اما جنسی زورلش حاللری اوتگن ییلگه نسبتن بوییل آشگنی باره سیده انیق رقم یوقلیگی نی ایته دی.

بوتیکشیرووده جنسی زورلش عامللری نینگ 35فایزی نفوذلی شخص لر، مسوول سیزقوراللی لر و قوراللی قوماندانلربولگنی کورسه تیلگن.

قالگنی حادثه ده جبرکورگن لرعایله اعضالری، مخدره ماده گه چیلینگن لروشخصی خصومت لراساسیده یوزبیرگنی معلوم قیلینگن.

جامعه بازتشکیلاتی مسووللریدن خانم شهرزاد جنسی زورلش حاللری آشیب باره یاتگنی دن جدی خواطربیلدیریب بونینگ آلدی آلیمنه گنی گه اساسی قانون وعیاللرگه قرشی زوره وانلیکلرآلدینی آلیش قانونی رعایت ایتیلمه گنی نی سبب قیلیب کورسته دی.

اوافغان حکومتی گه زورانلیک لرآلدینی آلینیشی اوچون ایریم تکلیف لرنی ایلگری سوره دی."جنسی زورلش آلدینی آلیش یوللریدن بیری پلیس ایسه عیاللروباله لرخذمتیده شی بولیب توریشی دیر. اوزگپ لرینی ایتیش اوچون پلیسگه ایشانچ لری آشیشی کیره ک، عیاللرگه قرشی زوره وانلیک لرآلدی آلینیش قانون، جدی روشده تطبیق ایتیلیشی درکار، عیاللرمحکمه لرگه قیینلمسدن مراجعه قیلیشی وقانون بوزلرجزاله نیشی اوچون قانون رعایت ایتیلیشی لازم" دییدی خانم شهرزاد

هرچند سونگی ییللرده بوکبی زوره وانلیک لرنی آلدینی آلیش اوچون کوپلب برنامه لریولگه قوییلگن، اما بوسعی وحرکت لرکوزگه کورینرلی نتیجه بیرمی بلکی ییلمه ییل عیاللروباله لرگه قرشی زوره وانلیک حاللری آشیب باره یاتگنی خبر قیلینماقده.