عبدالله، جمهوررییسلیک مقامینی اشرف غنی گه تبریک له دی

Image copyright Reuters

ینگی حکومت نینگ اجراییه رییسی عبدالله عبدالله سیلابحرانی حلی اوچون ملی بیردملیک دولت تشکیل ایتیلیشی اینگ یخشی تنلاو بولگنینی اورغوله دی. لویه جرگه تالاریده چیقیش قیلگن جناب عبدالله جمهوررییسلیک مقامینی اشرف غنی گه تبریک له دی.

شونینگ دیک ملی بیردملیک حکومت تشکیل ایتیلیشی اوچون جمهورریسی حامدکرزی سعی وحرکتی دن منتدارچیلیک بیلدیردی.همده او سیلاو بحرانی چوزیلیشی مردم نینگ تشویشی گه سبب بولگنیدن غذر سوره دی.

اما جناب عبدالله خلق رای دن مدافعه قیلیش اوچون جدی سعی قیلگنینی اورغولب، هیچ قندی باسیم اوتکزیلمسدن ملی بیردملیک دولت تشکیل ایتیلیشی گه قرار آلگنینی تاکیدله دی.

شونینگدیک او اوز طرفدارلریدن تیمی گه معامله قیلدی دیگن عیبلاولر قوییلمسلیگینی طلب قیلدی.

اونینگ ایتیشیچه .وضعیت یمانلنمسلیگی اوچون توشینیب بوقرارنی آلگن:" کیمیکه رای بیرگن بولسه ورای بیرگن بولمسه ویا هربیرنامزد گه رای بیرگن بولسه، وکیللرینی کیله جک ملی بیردملیک حکومتی تشکیلاتیده کوریشلری ممکن." دیب ایتدی او.

عینی حالده عبدالله جنابلری ایککی سیلاو تیمی بیر تیمگه آلنگنینی تیلگه آلیب، مملکت ترقیاتی اوچون بیرگه لیککه فعالیت قیلیشیلرینی اورغوله دی.

عینی حالده عبدالله جنابلری، ملی بیردملیک دولتی قانون حاکمیتی، اداری فسادگه قرشی کوره شیش، صلح و برقرارلیک نی تامین لش، انسان حقلری و عیاللر حقلریگه حرمت قوییش و افغانستان علاقه لرینی تشقی مملکت لر بیلن مستحکم لشگه جدی سعی قیلیش وعده سینی بیردی.

همده او بوبرنامه لر عملی بولیشی بیلن هیچ بیر افغان مملکت دن قاچیشگه قص مسلیگیگه امید بیلدیردی.