BBC navigation

مزارشریفده پارتلش صادر ایتیلدی

Сўнгги янгиланиш 24 сентябр 2014 - 06:59 GMT

بو حادثه بوگون ایرته لب ساعت اون یریم اطرافیده مزارشریف شهری نینگ چوک مندوی منطقه سیده صادر ایتیلدی. بلخ امنیه قوماندالگیگه کوره، حادثه ده حادثه ده اوچ کیشی جمله دن بیر عیال و بیر باله تن جراحتی آلگن.

بلخ امنیه قوماندانلیگی خوفسیزلیک آمری عبدالرزاق قادری، ماین پلاستیکی آفتابه ایدیشلرگه جایلشتیریلیب، پارتله تیلگنینی معلوم قیلگن.

اونگه کوره، بو حادثه ده اوچ کیشی جمله دن بیر عیال و بیر باله تن جراحتی آلگن.

پارتلش دن مقصد کیم بولگنی معلوم قیلینمه گن، اما بو حادثه ده ایکی موتر جمله دن ترافیک نینگ بیر رنجر رسوملی موتری ویران ایتیلگن.

حادثه مسوولیتی هنوزگچه هیچ بیر گروه اوز ذمه سیگه آلمه گن.

بلخ خوفسیزلیک مسووللری بونینگ مسوولیتینی طالبان ذمه سیگه یوکله گنلر.

اوتگن آیده هم شهرنینگ محبی چهارراهه سیده ماین پارتله گنی عاقبتیده ملی خوفسیزلیک بیر خادمی اولیب باشقه ایکی کیشی یره لنگندی.

سونگی پیتلر مزارشریف خوفسیزلیک وضعیتی انچه یامانلشگن. جمهور رییسلیک سیلاولری نینگ ایککینچی دوریدن بو شهرده کیتمه کیت پارتلش وقتل حادثه لری عملگه آشیریلماقده.

اهالی ایسه، بوندن قتیق تشویشده ایکنلیکلرینی اظهار ایتیشماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.