قسم یاد وقدرتنی تاپشیریش مراسمی دن دقیقه- مه- دقیقه خبرلر

مراسم اوتکزیله دیگن سرای تشقریسیده افغانستان جمهور رئیسی اشرف غنی احمدزی گه حرمت اداسینی کورسه تیش اوچون مخصوص حربی تشریفات بولیمی اجرا ایتیلدی. غنی جنابلری اوچون یولگه قوییلگن تشریفات مراسمی ایلک باردیر.

.افغانستان جمهور رئیسی نینگ قسم یاد مراسمی ساعت 12:14اوز پایانیگه ییتدی ومهمان لرچارچنارقصریده تیارلنگن ضیافتگه چقیریلدیلر.

مجددی: حامد کرزی دن قدرت نی اشرف غنی احمد زیگه جنجل چیقرمسدن تاپشیرگنی اوچون تشکرلیک قیله من. بونی تبریک له یمن.

تحلیف مراسمی دعاسی مجاهدلردولتی نینگ بیرینچی جمهور رئیسی صبغت الله مجددی تاماندن بولدی. اشرف غنی دایمی اونینگ بیرروحانی صفتیده نهایت حرمت کورسه تیشینی تاکیدلب کیلگن.

اشرف غنی احمدزی افغانستان ترقیات گه ایریشیش آرزوسی بیلن اوز سوزلرینی یکونلنتیردی

اشرف غنی: توریتینچی حلقه آسیا مملکت لری دیر. مملکتیمیزآسیاده تورت یول بولیب یعنی کوپریککه ایلنه دی. هلی هم آسیا قشاق مملکت لردن دیر. کمبغللیک قوتقزیش اوچون سعی وحرکت قیله میز

اشرق غنی : اوچینچی حلقه یا اصل امریکا، کانادا وجاپان مملکت لری بولگن. تینچلیک استراتیژیک غایه میز. دنیا هم جمعیت مملکت لری بیلن قوشمه منفتیمیزبار.

اشرف غنی: ایکینچی حلقه: اسلامی اولکه لردیر. سوزاساسیده بیرینچی سفریم حج عمره ده بولیشی ممکن.

اشرف غنی : توپراغیمیزدن باشقه مملکت لرگه قرشی فایده له نیلمه یدی. واولردن ایسته یمیزتوپراق لریدن بیزگه قرشی استفاده بولمه سین

اشرف غنی احمد زی: بیزخارجی علاقه لرنی تیکلش اوچون بیش اصل نی رعایت ایتیشگه احتیاجیمیزبار. بیرینچی قوشنی مملکت لر، بو مملکت لرنینگ نابرقرالیگی بیزگه تاثیر قویه دی. قوشنی مملکت لربیلن همکارلیک شرطنامه سینی امضالشگه احتیاجیمیزبار.

اشرف غنی: تشقی سیاستیمیز بیز اوچون اوته اهمیت لی. افغانستان امنیتی دنیا امنیتی بیلن باغلیق . مخدرماده قاچاقی جهانی بیر معما.

اشرف غنی: سیاسی قرشلیکلر سیاسی یوللر ارقه لی حل ایتیله دی. طالبان و اسلامی حزب دن ایستیمیز سیاسی مذاکره لرگه حاضر بولسین.

اشرف غنی: امنیت افغانستان خلقی نینگ طلبی. بیزنینگ طلبی میز شو کی برچه مسجدلر دن صلح نداسی ایشیتیلسین.

اشرف غنی: قورال دن غیرقانونی فایده لنیشگه نقطه قوییله دی.

اشرف غنی : بیزنینگ ایشانیمیزچه افغانستان نینگ جغرافی موقعیتی تجارتی مملکت گه ایله نیشی کیره ک. کانلری افغانستانی صناعتی مملکت گه ایلنتیره دی. پاره بیره یاتگن وپاره آله دیگن ایکیسی هم فسادآلیب کیله دیگن حسابله نیب ایکیسی بیلن هم قانونی معامله کورسه تیلیشی ممکن.

اشرف غنی احمدزی: انسان لر تورموش شرایطی یخشی لنمسدن توریب اقتصادنی رواجلنتیریش ناممکن. انسانی کوچ چیقیشی مملکت گه فاجعه آلیب کیله دی. بیر قطار افغان لر ایش قیدریب خارجگه یول آله دیلر. وبیرقطارلری هم یولده اوله دیلرودینگیزلرگه قولب هلاک بوله دیلر.

اشرف غنی: حاضرگچه تینچلیک فزیکی معناده تقدیم ایتیلگن. اما مهم توشونچه سی کیشی لیک تینچلیگی بولگن. ملی اقتداروملی حاکمیت گه ایریشیش قره م بولگن گه قدرقیین. حاضرگچه واردات جهت دن تشقریگه باغله نیب قالگن میز.

اشرف غنی احمد زی اوز تورموش اورتاغی بی بی گل (رولاغنی) دن تشکرلیک قیلدی. غنی جنابلری گه کوره یاستیق داشی دایم ایچکی مهاجرلروکمبغللرگه یاردم بیرگن.

اشرف غنی: عدلی وقضای اداره لرده اصلاحات آلیب کیلیش اوچون برچه صلاحیت لریمدن فایده لنه من و قضاییه قوه سیده اصلاحات آلیب کیلیش خصوصیده صلاحیت لی بیر کمیته تشکیل ایتلیشی لازم.

اشرف غنی: مالی بودجه نی توغریدن توغری ولایت لرگه انتقال بیره میز.

اشرف غنی: هربیر وزیرلیک تعهدنامه امضاقیلیشی ممکن: وزیرلیک لر ،پارلمان واجراییه رییسی اداری فسادنی تحمل قیله المی میز فسادنی یوق ایتیش اوچون جدی سعی قیله میز.

اشرف غنی: عالی دادگاه بیر ایچیده عالی دادگاه و قضای اداره لرنی مکافات و مجازات اصولی اساسیده تیکشیرسین.

اشرف غنی: عدلی وقضای اداره لرده اصلاحات آلیب کیلیش اوچون برچه صلاحیت لریمدن فایده لنه من و قضاییه قوه سیده اصلاحات آلیب کیلیش خصوصیده صلاحیت لی بیر کمیته تشکیل ایتلیشی لازم

اشرف غنی: بیز اجرائیه کوچی ومقننه کوچی اورته سیده قراردادآلیب کیله میز. مینینگ ایستگیم ملت وکیللریدن شوکی تعیین لش وچیتله تیش اوچون اینیقسه دولت اداره لریگه تکلیف لری بولمسلیگی کیره ک

اشرف غنی : تینچلیک ده عدالت بولمه گن تقدیرده دوام ایتمه یدی وبیزوقتینچه لیک تینچلیک نی ایستمه یمیز. بیزدایمی صلح ایسته یمیز.

اشرف غنی احمد زی کیلگوسی حکومتده اوزگریش کیلیشی باره سیده تاکیدله دی. بو سوز اونینگ تیمی نینگ شعارلریدن ایدی. بوندن آلدین اصلاحات واوزگریش باره سیده تاکیدله گندی. اصلاحات سوزی عبدالله جنابلری نینگ شعاری ایدی.

اشرف غنی: بیز جواب بیریشگه امین میز.

اشرف غنی: بوکونکی افغانستان اوتگن کون دن فرقلی، بیز همه میز بومملکت یشاوچیسی میز.

اشرف غنی سابق جمهوررئیس و اجرائیه رئیسی عبدالله عبدالله دن منتدارچیلیک بیلدیردی.

اشرف غنی احمدزی مهمانلرنی اوزبیک تیلیده خوش کیلدینگیز دیدی. اشرف غنی نینگ بیرینچی اورین باسری عبدالرشید دوستیم اوزبیک قومیدن. افغانستان تاریخیده بو بیرینچی مرته دیرکه جمهوررئیس تحلیف مراسمیده اوزبیک تیلیده صحبت قیله دی.

حامد کرزی تاماندن قدرت تاپشیریلیشی کوپ اوتمه سی احمدزی جنابلری افغانستان جمهور رئیسی صفتیده فرمان آرقه لی ملی بیردملیک حکومتی نینگ اجرائیه رئیسی واورین بارسرلریگه تعیین لنگن عبدالله عبدالله، محمدخان ومحمدمحقق نی تنیشتیردی.

اشرف غنی احمد زی نینگ جمهور رئیس بولیشی بیلن ایلک نطقی

Image copyright AP

عبدالله عبدالله : قدرت نی تینچلیک بیلن تاپشیریلیشی اوچون سابق جمهوررییس حامدکرزی نینگ سعی وحرکت یدن منتدارچیلیک بیلدیره من.

عبدالله عبدالله : صلح، امنیت ، قانون حاکمیتی، اداری اصلاحات و اساسی قانوننی اوزگرتیریش گه تعهد قیله من.

عبدالله عبدالله: افغانستان خلقی سیلاوده کینگ اشتراک ایتدی منتدارچیلیک بیلدیره من بوگون افغانستان تاریخیده ینگ فصل باشلندی. بیز بیرتیم صفتیده ملی بیردملیک دولت تشکیل ایتیشگه امین میز.

ملی بیردملیک حکومتی نینگ اجرائیه رئیسی عبدالله عبدالله سوزگه چیقدی.

جرائیه رئیسی عبدالله عبدالله اورین باسرلری بیلن قسم یاد مراسمی باشلندی

افغانستان جمهور رئیسی اشرف غنی احمدزی اصلاحات ویخشی حکومت دارلیک بوییچه تعیین لنگن فرماننی امضاله دی.

اشرف غنی احمد زی عبدالله عبدالله نینگ اجرائیه رئیس صفتیده بولگن فرمان نی امضاله دی.

افغانستان شمال شرقی قندوز ولایتیده بیرخودکش شخص پلیس تاماندن تانیلیشی بیلن اوزینی پارتلتدی نتیجه ده ایکی کیشی یره لندی.

جنرال عبدالرشید دوستیم ومحمد سروردانش قسم یادمراسمی باشلندی

قسم یاد مراسمیده بیرمینگ و تورت یوزدن ارتیق ایچکی وتشقی مهمانلر اشتراک ایتگن بو جمله دن اوچ یوز نفری تشقی مهمانلردن عبارت. اوتیز تورت دولت وکیللری حضور تاپگن.

امریکانینگ افغانستانده گی ایلچیسی و وکیلی پاکستان جمهوررییسی ممنون حسینایران جمهورریسی اورین باسری شریعتمداریهند تشقی ایشلروزیری اورین باسری حامد انصاریاسماعلیه لر رهبری شهزاده کریمپاکستان نینگ قومی رهبرلریسعودی عربستان، چین ، کانادا سریلانکا، مالدیو و استرالیا دولت لری نینگ دیپلماتیک وکیللریبیرلشگن ملتلر تشکیلاتی، اروپا بیرلیگی، وباشقه قطار خلق ارا تشکیلات لر وکیللری.

نیچه دقیقه آلدین کابل هوا قونالغه سی جاده سیده پارتلش یوزبیردی. کابل پلیسی پارتلشنی تصدیقله دی. بیراق تلفات حقیده معلوماتی یوق لیگی نی ایتدی

نیچه دقیقه آلدین کابل هوا قونالغه سی جاده سیده پارتلش یوزبیردی. کابل پلیسی پارتلشنی تصدیقله دی. بیراق پلیس تلفات حقیده معلوماتی یوق لیگی نی ایتدی.

مراسمده ایلک نطق یوریتگنی حامد کرزی ایدی

Image copyright

مراسم باشله نیشیده فاروق وردک احمد ضیا مسعودنی دولت نینگ اصلاحات ویخشی حکومت دارلیک قیلیش بویییچه مخصوص وکیلی بولگنی نی اعلان ایتدی.

افغانستان ملی سرودی سلام خانه تالاریده چلیندی، معراف وزیری فاروق ورک مراسم مجرسی تماندن مراسم باشلندی.

افغانستان ینگی جمهوررئیسی اشرف غنی احمد زی قسم یاد مراسمی نی اوتکزیش اوچون ایکله اورین باسرلری بیلن ارگگه تشریف کیلتردی

بوجاده کابل هوا قونالغه سی یولی بولیب امریکا ایلچی خانه، وزیراکبرخان وجمهور رئیسلیک سرایی گه باریب تقیله دی. قتیق خوف سیزلیک چاره وتدبیرلری آلینیشی گه قره مسدن ایرته لب بیرمقناطیسی ماین پارتله دی

سونگی کونلرده بوییرده بیر کوچلی پارتلش یوزبیریب بونده خارجی کوچلر کاروانی هجوم گه توتیلگندی

اشرف غنی احمد زی سنتی کیم بیلن و عبدالله عبدالله هم دریشی بیلن ایلک بارتینچ یول بیلن قدرت تاپشیریله دیگن مراسم ده حصه قوشگن

تحلیف مراسمی اوتکزیله دیگن محلگه سیاسی رهبرلرحضورتاپدی. اشرف غنی احمد زی وعبدالله هم تشریف کیلتیردی.

بومراسم ده مملکت ایچکریسیدن تشقری قطارمملکت لرنینگ یوقاری مرتبه لی رسمی لری هم تشریف کیلتیرگن.

حاضرایسه حربی بولیم کرزی جنابلری حضوریده قطعه تقدیم قیلماقده.

کرزی اوتگن کونی اوز سرمایه سینی رویخط گه اوتکزدی. اونینگ سرمایه سی فسادگه قرشی عالی کوره ش اداره رهبری غلام حسین فخری وبواداره اورین باسری رحیم الله رحیمی حضوریده رویخطدن اوتدی

Image copyright arg

افغانستان باش قانونی گه کوره جمهور رئیس سرمایه سی خذمت دوریدن آلدین وکیین رویخط اوتکزیشی لازم.

تیزآره ده قسم یاد مراسمی ایچکی وتشقی عاموی خبرواسطه لری تاماندن یاریتیله باشلنه دی. اوزمملکتی دن وکالت قیلیش اوچون ایران جمهور رئیسی اورین باسری محمد شریعت مداری کابل گه ییتیب کیلدی..

اوتگن کیچه افغانستان جمهور رئیسی اهالی بیلن خیرلشدی واشرف غنی احمدزی رهبریتی ده یوزه گه کیله دیگن حکومت بیلن همکاربولیشینی تاکیدله دی.

احمد زی وعبدالله سیلاونتیجه سی اعلان بولمسدن آلدین ملی بیردملیک حکومتی شرطنامه سی نی امضاله دی. بوکیلیشوونامه ایسه سیلاوبحرانیگه نقطه قویدی وبوبیلن ایکی سیلاوتیمی اورته سیده گی قدرت بولینیشی نی آچیقله دی.

سیلاونتیجه سینی اعلان قیله دیگن کونی سیلاولر مستقل کمیسیونی عبدلله جنابلری نی ملی بیردملیک حکومتی نینگ اجرائیه رئیسی صفتیده تنیشتیردی.

سیلاولرمستقل کمیسیونی یکشنبه کونی اشرف غنی احمدزی نی بومملکت جمهوررئیسی صفتیده اعلان قیلدی.

قسم یاد مراسمی یولگه قوییله دیگن ارگ نینگ سلام خانه تالاریده مهمان لرنینگ تشریف کیلتیریشی باشلندی.

بوایرته لب محلی وقت بیلن ساعت 8ده باشلندی.

اوشبو مراسمده 1400کیشی عبارت ایچکی وتشقی مهمان لرقتنه شیشی ممکن لیگی کوتیله دی.

افغانستان جمهور رئیسلیک سرایی اشرف غنی احمد زی وعبدالله عبدالله قسم یاد مراسمی نی بجا کیلتیریشی اوچون کیره ک لی چاره وتدبیرلریولگه قوییلیب و کابل شهریگه کیریب کیله دیگن یوللریاپیلیب وخوف سیزلیک کوچلری ایسه تورت یوللر ومهم محللرده قتیق خوف سیزلیک چاره وتدبیرلرینی آلیشگن.