کابل وپکتیا ده یوزبیرگن پارتلشلرده کمیده 15نفرهلاک بولدی

Image copyright .

کابلده یوز بیرگن خودکش هجومده 7 نفر اولیب باشقه 13 کیشی یره لنگن. پکتیاده ایسه، 8 کیشی حیاتینی قولدن بیرگن. هجوملر ینگی جمهور رییس نینگ قسم یاد مراسمی اوتکزیله یاتگن بیرچاغده صادر ایتیلگن.

کابلده گی حادثه هوا میدانی ایشیگی قرشی سیده صادر ایتیلگن. ایچکی ایشلروزیرلیگی سوزچیسی صدیق صدیقی، پیاده کیته یاتگن خودکش هجومچی پولیس پوسته سی قرشی سیده اوزینی پارتله تیب یوبارگنینی ایتگن.

اونگه کوره، بو حادثه ده تورت پولیس اوچ تینچ اهالی اولگن و 13 نفر یره لنگن.

بو هجوم ینگی جمهور رییس نینگ قسم یاد مراسمی اوتکزیله یاتگن بیرچاغده صادر ایتیلگن.

.اما پکتیانینگ زرمت تومنیده بیر گروه خودکش هجومچی تومن حاکمیتی بناسیگه قرشی هجوم قیلیشگن.

او ولایت محل مسووللری هجومچیلر ایرته لب ساعت 6 یریمده پارتلاوچی ماده دن توله بولگن موترنی تومن حاکمیتی بناسی قرشی سیده پارتله تیب یوبارگنی نی ایتیشگن. بو هجوم آرتیدن اولر قوراللی هجوم گه قول اوریشگن.

مذکور هجومده 8 نفر خوفسیزلیک عسکری اولگن و 11ته سی یره لنگن.

اولرگه کوره، هجومچیلر آلتی نفر دن عبارت بولیب، پولیس بیلن توقنشگن دن سونگ، همه سی نابود قیلینگن.

پکتیا ولایتی افغانستان نینگ ناتینچ حدودلریدن بیری سنه له دی.

اما کابلده تحلیف مراسمی گه عاید کوریلگن قتیق خوفسیزلیک چاره تدبیرگه قره مه ی، شهرنینگ مکروریان منطقه سیده هم مقناطسی ماین پارتله گن.

بو ماین بیر قول اره به سیگه جایلشتیریلگنی ایتیله دی. اما بوحادثه ده هیچ کیم گه تلفات ییتمه گن.