حامدکرزی افغانستان خلقی بیلن خیرلشدی

افغانستان جمهوررییسی حامدکرزی سونگی بیاناتیده بوگون دوشنبه قدرت نی ینگی جمهوررییس گه تاپشیریشینی ایتیب اوزی افغانستان یشاوچیسی صفتیده بواولکه ده قالیشی ممکن لیگینی تیلگه آلدی.

آلدین دن ضبط قیلینگن کرزی جنابلری نینگ بو بیاناتی محلی وقت بیلن کیچه ساعت سکیز یریم اطرافیده تورلی تلویزیونلر تامانیدن نشر ایتیلدی.

کرزی جنابلری سوزلری دوامیده اون اوچ ییللیک حاکمیتی دوریده گی موفقیت لرگه اشاره قیلیب پلیس و ملی اردوکوچلری نینگ ایجاد ایتیش خصوصیده یوتوق لرگه ایریشگنینی ایتیب اما صلح اوچون یولگه قوییگن فعالیت لری نتجه بیرمه گنینی اورغوله دی.

:" اون اوچ ییل آلدین دولت مسوولیتی مینگه تاپشیریلدی مملکتیم نه بیراق گه ایگه ایدی ونه هم واحد پول مملکت ایگه لری بو مملکت مالکی ایمس ایدیلر." دیب ایتدی جناب کرزی.

شونینگ دیک کرزی جنابلری اشرف غنی احمدزی و عبدالله عبدالله اشتراکی بیلن ایجاد ایتیلگن ینگی حکومت نی خلق گه تبریک لیمن دیدی.

عینی حالده حامدکرزی ینگی جمهوررییس ، کیله جک حکومت و اساسی قانون دن حمایت بیلدیریشینی تاکیدله دی.

تحلیف مراسمی تشقی و ایچکی مهمان لر اشتراکی بیلن بوگون ارککه بولیب اوتیشی ریجه لنگن.

200 تشقی مهمان و 1000 ایچکی مهمان بو مراسمده حصصه قوشیشی کوتیله دی.

افغانستان ایچکی ایشلر وزیرلیگی گه کوره؛ بو مناسبت بیلن پایتخت کابلده خوف سیزلیک چاره و تدبیرلری کوچیتیریلگن.