کابلده یوزبیرگن انتحاری هجوملرده 7 کیشی اولیب 19 کیشی یره لندی

Image copyright .

امریکا بیلن امنیتی پیمان امضاله نیشیدن بیرکون اوترایکن، بوگون پایتخت کابلده ایککی انتحاری هجوم یوزبیردی. مدافعه وزیرلیگی سوزچیسی ظاهر عظیمی بوهجوملرده 7 کیشی اولیب 19 کیشی یره لنگنینی ایتگن.

عظیمی جنابلری نینگ توتیر صحیفه سیده یازیشیچه، کابل شهری نینگ اوچینچی ناحیه سیده انتحاری شخص ملی اردو کوچلری موترینی نشانگه آلگن. اونگه کوره، یتتی کیشی اولیب 15 کیشی یره لنگن.

کابل پلیس سوزچیسی حشمت الله ستانکزی بی بی سی بیلن بولگن صحبتیده هلاک بولگنلردن بیری تینچ فقرا و یره لنگنلردن هم توقیز نفری تینچ فقرا بولگنینی ایتدی.

طالبان گروهی هجوم مسوولیتی نی اوز ذمه سیگه آلگن.

ایککینچی پارتلش کابل ولایتی نینگ ده سبز تومنی تره خیل محلله سیده یوزبیرگن. مدافعه وزیرلیگی سوزچیسی ظاهر عظیمی بوهجومده افغان ملی اردو کوچلری موتری نشانگه آلینگنینی تصدیق له گن.

اونینگ ایتیشیچه بوهجومده ایککی عسکر و ایککی تنیچ فقرا یره لنگن. امریکا بیلن امنیتی پیمان امضالنیشی ارتیدن پایتخت کابل ایککی انتحاری هجومگه گواه بولدی.

طالبان گروهی اوتگن کون بیر اعلامیه صادر ایتیب بو پیمان امضالنگنیدن سونگ خارجیلر اوز اشغالتی گه دوام بیره دیب ایتگن ایدی.

اشرف غنی احمدزی ایککی کون آلدین جمهوررییس صفتیده ایشگه باشله دی. او تحلیف مراسمیده ایراد ایتگن سوزلریده طالبان وقوراللی مخالف لرنی مذاکره گه چقیردی.

قسم یاد مراسمی کونیده هم کابلده انتحاری هجوم یوزبیرگن ایدی.