امریکا: افغانستان انتظام صندوغی و قانون استحکامیدن 200 میلیون دالر یوقالگن

Image copyright AP

افغانستان قیته قوریشی اوچون ایشله یاتگن امریکا نینگ سیگار اداره سی نینگ اعلان قیلیشیچه، امریکا تمانیدن افغانستان گه یاردم قیلینگن کمیده 200 میلیون دالر انتظام صندوغی و قانون مستحکملنیشی دن یوقالگن.

مذکور صندوق 2002 ییلده افغانستانده ایجاد ایتیلیب، بو صندوق بیرلشگن ملتلر تشکیلاتی نینگ رواجلنتیریش لایحه سی تمانیدن نظارت ایتیلردی.

پولیس معاشلری، 119 پولیس مرکزی ایجادی، و باشقه ساحه لر رواجلنیشی اوچون مذکور صندوق دن فایده لنیلردی.

سیگار اوزی نینگ بیرلشگن ملتلر تشکیلاتیگه یازگن مکتوبیده، امریکا و باشقه مملکتلر 2002 ییلدن بیری مذکور صندوققه 3.17 میلیارد دالر یاردم قیلگنینی ایتگن.

سیگارشونینگدیک، مذکور صندوق خادملری بیلن ایچکی رواجلنتیریش حجتلر تیکشیریلیشی باره سیده صحبت قیلیب، قندوق قطار معمالرگه رو په ره ایکنینی بیلدیرگن.

سیگارگه کوره، بیرلشگن ملتلر تشکیلاتی نینگ رواجلنتیریش برنامه سی صندوق نی هر تمانلمه نظارت ایته آلمه گن.

سیگار بیرلشگن ملتلر تشکیلاتی تمانیدن حجتلر و مکتوبلر بیریلگنینی تصدیقلب، پولیس معاشلری توله نیشی اوچون ایچکی ایشلر وزیرلیگی پاره خورلیک قیلگنینی معلوم قیلگن.

بو اداره گه کوره، 2013 ییل سونگیده صندوق ده گی حجتلر 15 میلیون دالردن آرتیق مبلغ ناقانونی صرفلنگنینی کورستیلگن.

مذکور صندوق دن121 نفر جنرال گه بیریلگن معاشلری باره سیده لازم حجت موجود بولمه گن.

اما ایچکی ایشلروزیرلیگی بو گزارش نی رد ایتیب، پولیس معاشلری بانک آرقه لی توله نیلگنینی ایتگن.

سیگار بوندن آلدین هم افغانستان خوفسیزلیک کوچلری گه یاردم قیلینگن امریکا مدافعه وزیرلیگی بیرقطار جهازلری یوقالگنیدن هم خبر بیرگندی.