پغمان جنسی تجاوز عامللری اعدام قیلیندی

کابل نینگ پغمان تومنیده جنسی تجاوز اوتکزگن بیش عامل بوگون اعدام قیلینگن. کابل پولیسی باشقه اوچ نفر عامل نی قیدیریب یورگن. اما اولرهنوزگچه قولگه آلینمه گن. افغانستان حکومتی پغمان ده جنسی تجاوز قیلگن بیش کیشی اوستیدن اعدام حکومینی عملی قیلگن. بو بیش کیشی افغانستان محکمه لری تمانیدن اعدام گه محکوم بولگندی و سابق جمهور رییس حامدکرزی اوزی نینگ سونگی کونلریده اولرنینگ اعدام حکمی امضاله گن. 2001 ییلده گی حساباتگه کوره، حاضرگچه کمیده 51 نفر اعدام قیلینگن و خلق عفو تشکیلاتی هم 2012 ییل نینگ نوامبر آییگچه کمیده 200 کیشی اعدام رویخطیگه آلینگنی نی ایتگن. بولردن ایکیته سی قوراللی اوغیرچیلیککده عیبلنیب، هر بیری 20 ییل قماق جزاسیگه محکوم بولگن. کابل امنیه قوماندانی محمدظاهر نینگ ایتیشیچه، اولردن بیری اوتگن کون افغانستان دن چیقیب کیتیشگه موفق بولگن و پولیس اونی اوشلشگه قادر بوله آلمه گن. افغانستانده گروهی جنسی تجاوز نی مثلی کوریلمه گن و بو حادثه عاموی اخبارات واسطه لری آرقه لی فاش ایتیلگنیدن سونگ، عاموی فکرینی چلغیتیب، جمهور رییس کرزی اوزی شخصآ ماجراگه قوشیلگن. باشلنغیچ و اسنتاف محکمه لری آچیق شکلده اولرنی محکمه قیلدی و بوجریان تلویزیون ترماغلری آرقه لی جانلی روشده نمایش ایتیلدی.