غنی احمدزی: تقدیرلری نامعلوم بولگن محبوس لر حجتی انیق لنسین

اشرف غنی احمدزی کیچه کیچ قورون کابل نینگ پلچرخی قماقخانه سیگه باریب محبوس لر بیلن اوچرشگن.

افغانستان جمهور رئیسی نینگ حقوقی مساله لر بویچه مصحلتچی سی عبدالعلی محمدی نینگ ایتیشیچه بو اوچوره شودن اساسی مقصد عدلی و قضایی تزمده اصلاحات کیلتریش بولگن.

فیسبوک صفحه سیده یازیشیچه اشرف غنی احمدزی کیچه کیچ قورون ساعت ۹ دن ۱۱ گچه پلچرخی قماقخانه سیده بولگن .

محمدی جناب لری نینگ ایتیشیچه محبوس یوزمه – یوز، اوز معما لری حقیده جمهور رئیس بیلن صحبت لشگن.

اونگه کوره ایرم محبوس لر ییللرکی محکمه گه تارتلمسدن تقدیرلری نامعلوم شکلده قماقخانه ده حیات کیچره یاتگن لرینی ادعا قیلگن.

جمهور رئیس گه بیرلگن رویخط گه کوره اونگه یقین محبوس ۹ ییل دن اون اوچ ییلگچه محکمه گه تارتلمی پلچرخی قماقخانه سیده حیات کیچریب کیلگن.

محمدی جناب لری نینگ فیسبوک صفحه سیده یازیلیشیچه، اشرف غنی احمدزی قاره لاوچی لرگه ، کیله سی بیر هفته گچه تقدیرلری نامعلوم بولگن محبوس لرنینگ تقدیرینی انیق لب اونگه دقیق و لازم بولگن حجتلر نینگ ایتکزیشی شرط بولگنی بیلن آگاه لنتیرگن.

عینی دمده افغانستان جمهور رئیسی، باله لر، عیاللر و خوف سیزلیک کوچلرنینگ اولدریش جرمی بیلن قماققه آلینگن لرنینگ تولیق تورمه دوره سینی اوتکزیشی کیرک لیگنی تاکید له گن .

افغانستانده جمهور رئیس نینگ قماقخانه نینگ باریب کوریشی کمدن کم کورلگن .

افغانستانده کی ییرک قماخانه لردن بیری حساب لنه یاتگن پلچرخی ده ۷۳۳۹ کیشی محبوس بار .