کابل بانک بحرانیده عیبلنگنلردن 7 ته سی قولگه آلینگن

افغانستان باش قاره لاوچیلیک اداره سی کابل بانک پوللرینی اوغیرله کنلیکده عیبلنگن 19 نفر دن 7 ته سی نی قولگه آلیب دوسیه لرینی محکمه گه جونتگنینی ایتگن.

افغانستان باش قاره لاوچیلیک اداره سی نینگ ایتیشیچه، بو اداره ینگی جمهور رییس اشرف غنی احمدزی نینگ دستوریگه بنآ؛ کابل بانک پوللرینی اوغیرله گنلیکده عیبلنگن شخصلرنینگ دوسیه لرنی تیارلب، محکمه گه تاپشیرگن.

بو اداره سوزچیسی عبدالبصیر عزیزی، عیبدارشخصلردن بیرتعدادی نی قولگه آلدیک دییدی:" قاره لاوچیلیک دستوری و کابل امنیه قوماندانلیگی همکارلیگی بیلن عبیلنگنلردن 7 ته سینی قولگه آلدیک، قالگنلری هم تیز آره ده قولگه آلیینه وقانوندن قاچیب قوتی له آلمه یدی. بیز کابل بانک بحرانیده قولی بولگن شخصلرنی قیسی بیر مملکتده بولمه سین کابلده گی ایلچیخانه لر و انترپل پولیسی آرقه لی قولگه آله میز".

عزیزی جنابلری، شونینگ دیک، قضایی اداره لردن عیبلنگنلر توغریسیده جدی عمل قیلیشی نی سورب، باش قاره لاوچیلیک اولرنینگ دوسیه لرینی بی کم و کاست تیارله گن دییدی:"باش قاره لاوچیلیک اداره سی نقطه نظریدن دوسیه لرده هیچ قنده ی کمچیلیک و اعتراض موجود ایمس. بیز محکمه دن بیت المال پوللرینی قیته حصول قیلینیشی و عدالتلی قرار قبول قیلیشی نی سوره ی میز. کیله جکده بونده ی بیر بحران یوز بیرمسلیگیگه ایشانه میز.

اونگه کوره، کابل بانک بحرانی باش عامللریدن بولگن شیرخان فرنود و خلیل فیروزی لر حاضرگی کونده قماققه تشلنگن و قضیه نینگ باشقه بیر عاملی عبدالقدیر فطرت امریکا ده کون کیچیرماقده".

سابق جمهور رییس حامدکرزی دوریده روی بیرگن کابل بانک بحرانی حاضرگچه آلدینگی موقعی و اورنینی اوز مشتریلر آلدیده قیته تاپه آلمه ی، مینگلب مشتریلرینی قولدن بیردی.

افغانستان باش قاره لاوچیلیک اداره سی کابل بانگ بحرانیده عیبلنگن شخصلرنی قولگه آلیب دوسیه لرینی تیکشیررایکن، کابل بانک حساب کتابی بوییچه اداره سی اوغیرلنگن میلیون لب دالردن فقط 175 میلیونی قیته ریب آلینگنینی ایتیب، کابل بانک بایلیگیدن هنوز 807 میلیون دالر قولگه کیریتیلمه ی بو خصوص ده گی سعی وحرکتلر موفقیت سیز ایکنینی تاکیدله ماقده.

بو اداره شونینگ دیک، ینگی کابل بانگ نینگ تورت ییل دن بیری ضرر کوره یاتگنینی معلوم قیلیب، درآمدلری بانک خره جتلرینی تولدیرمه یاتگنی باره سیده شکایت قیلگن.

مذکور اداره ، جمهور رییس احمدزی نینگ کابل بانک بحرانی قضیه سی تیکشیریلیشی خصوصیده گی تدبیری نی آلقیشلب، مسله بو مراتبه جدی شکلده حل یولینی تاپیشی باره سیده امید بیلدیرگن.

باشقه تماندن افغانستان باش قاره لاوچلیک اداره سی کابل بانک دن اوغیرلنگن پوللرنی قیته حصول قیلیش اوچون عیبلنگن شخصلرنینگ ساتیش گه قوییلگن ملکیتلرنی ساتیش مسله سی نی هم منع ایتگن.