سیگار: امریکا افغانستانگه یاردم قیلگن 16 ته اوچاق نی پرچه لب ساتگن

Image copyright AFP

افغانستان قیته قوریشی ده ایش آلیب باره یاتگن امریکا نینگ سیگار مخصوص اداره سی نینگ ایتیشیچه، امریکا هوا کوچلری افغانستان اردوسیگه یاردم قیلینگن 16 ته اوچاق نی تیمیرگه ایلنتیریب، ساتگن.

ایسکیریب ییرگه یاپیشیب قالگن بو اوچاقلر، 486 میلیون دالرگه امریکا تمانیدن افغانستان اردوسی اوچون ساتیب آلینگندی حاضر ایسه، اولردن اون آلتی ته سی کابل هوا میدانیده تیمیرگه ایله نیب، کمیده 32 مینگ دالرگه ساتیب یوباریلگن.

امریکا مخصوص تحقیقات اداره سی اوزی نینگ ایکی علحیده مکتوبیده اوقچاقلرنینگ تیمیرگه ایلنتیریلگنی باره سیده عاموی اخبارات واسطه لریگه حجت کورستگن.

امریکا سیگار اداره سی مسوولی جان ساپکو امریکا هوا کوچلری قوماندانلریدن مذکور اوچاق لرنینگ تیمیرگه ایلنتیریش و ساتیش مسله سی باره سیده ایضاح بیریشی نی سوره گن.

ساپکو جنابلری گه کوره، اوچاقلرنینگ تیمیرگه ایله نیشی دن آلدین باشقه یوللر کوریب چیقیلمه گنی باره سیده ایشانچ بیلدیرگن.

افغانستان اردوسیگه یاردم قیلینگن اوچاقلر ایتالیاده ایشلب چیقه ریلگن و اولردن تورته سی ایسکی بولگنی باعث آلمانده سقلنماقده.