"افغانستانده عیاللرگه قرشی جنسی اذیت خصوصیده جدی یانداشیلسین"

انسان حقلرینی کوزه توچی تشکیلاتی افغان عیاللریگه قرشی بوله یاتگن جنسی اذیت آلدینی آلیش اوچون جدی چاره و تدبیر کوریلیشینی افغانستان دولتی دن طلب قیلدی.

اوشبو تشکیلات تامانیدن ترقه تیلگن حساباتده یازیلیشچه، خاتین قیزلرگه قرشی جنسی اذیت نینگ الدینی الیش خصوصیده افغانستانده هیچ قندی قانون موجود بولمه گن.

شونینگ دیک حساباتده، دولت اداره لری هم بوکبی حالت لر الدینی الیش و شوندی عمللرگه قول اوره دیگن لرنی جزالش اوچون هیچ قندی برنامه سی بولمه گنی تاکیدلنگن.

افغانستان جمهوررییسی اشرف غنی احمدزی مکتب و مدرسه لرده خاتین قیزلرگه قرشی جنسی اذیت کولمی کینگ بولگنینی تاکیدلب، افغانستان معارف وزیرلیگیدن بوکبی حالت لر خصوصیده حسابات بیریلیشینی طلب قیلگن.

انسان حقلرینی کوزه توچی تشکیلات نینگ ایتشیچه، تعلیم وتحصیل بولیم لریده خاتین قیزلر کوزگه کورینرلری درجه ده یوتوقلرگه ایریشگن، بیراق " جنسی اذیت" اولرنینگ ایش قیلیشلری اوچون اساسی معما یره تگن.

" افغانستان ده خاتین قیزلر جنسی اذیت بیلن روپه را بوله دیلربوخصوصده پلیس گه شکایت قیلگن ده هم یاردم کورسه تیلمیدی."

عینی حالده بو تشکیلات پلیس چوکاتیده فعالیت آلیب باره یاتگن عیاللرهم کینگ کولمده جنسی اذیت بیلن یوزمه یوز بولیب کیله یاتگنینی ایتگن.

انسان حقلرینی کوزه توچی تشکیلات نینگ تحقیقات بویچه مسووللرید ن هیتربارشوندی دیگن:" افغان خاتین قیزلری عمومی فضالرده عزت بیلن ایشلگه قادر بولسین درس اوقیسن و اشتراک ایتسین، جمهورییس غنی بوخصو صده اصلاحات الیب کیلیش اوچون مثل سیز فرصت گه ایگه."