کابلده یوزبیرگن پارتلشده ایککی کیشی هلاک بولدی

Image copyright .

افغانستان ایچکی ایشلر وزیرلیگی کابل غربیده یوزبیرگن پارتلشده ایککی تینچ فقرا اولیب وینه اوچ کیشی یره لنگنینی تصدیق له دی. وزیرلیککه کوره، پارتلش گوجوم بولگن "کوته سنگی " منطقه سیده روی بیرگن.

معلومات لرگه کوره، یره لنگن لردن بیری مکتب اوقووچیسی باشقه بیری هم بلدیه ایشچیسی بولگن.قربان بولگن لر باره سیده اچیق معلومات بیریلمه گن.

ایچکی ایشلر وزیرلیگی نینگ مطبوعات بویچه اداره سی، یول چیککه سیگه اورنه تیلگن ماین پارتلش سبب بو حادثه روی بیرگنینی معلوم قیلیب حادثه بوییجه تحیقیقات باشلگنیدن خبربیرگن.

ایچکی ایشلر وزیرلیگی بو حادثه نی تروریستی بیر حادثه اته گن، اما طالبان گروهی پارتلش مسوولیتی نی اوز ذمه سیگه آلیب، استخبارات خادملریدن بیری قوریقچیسی بیلن هلاک ایتیلگنینی ادعا قیلگن.

اشرف غنی احمدزی جمهوررییس صفتیده ایشگه باشلگنیدن بیری بویتنچی پارتلش دیرکه پایتخت کابلده صادر بوله دی.

بریتانیا تشقی ایشلر وزیری فیلیپ هاموند اوشبو مملکت پارلمانیگه بیرگن حسابابتیده سونگی وقت لرکابلده امنیتی حادثه لر اوتگن ییلگه قره گنده کوپیگنینی ایتگن.

هاموند جنابلری نینگ بیرگن حساباتی اساسیده جاری میلادی ییل باشله نیشدن اکتبر آیگه قدر 52 هجوم کابلده روی بیرگنی رویخطگه آلینگن.