حقانی ترماغی نینگ ایککینچی آدمی قولگه آلیندی

Image copyright NDS
Image caption ملی امنیت سوزچی سی حسیب صدیقی
Image copyright FBI

افغانستان ملی امنیت اداره سی حقانی ترماغی نینگ ایککینچی آدمینی یولگه قوییلگن حربی عملیات جریانیده قولگه کیرتگنینی تصدیق له گن .

ملی امنیت سوزچی سی حسیب صدیقی نینگ ایتیشیچه انس حقانی ینه بو ترماغ نینگ ینه بیر حربی قوماندانی بیلن قولگه کیرتیلگن.

ملی امنیت اداره سی نینگ معلوماتیگه کوره انس حقانی بو ترماغ اساسچی سی جلال الدین حقانی نینگ اوغلی و حقانی ترماغی نینگ حاضرکی رهبری سراج الدین حقانی نینگ اوگی اوکه سی .

صدیقی جناب لری نینگ بی بی سی گه ایتیشیچه قولگه آلینگن شخص لرنینگ کیم لیگی حقیده ایشانچلری کامل.

اونینگ ایتیشیچه انس حقانی بو ترماغ نینگ منطقه ده کی مهم شخص لریدن بولیب، مالی کمک لرنی قولگه کیرتیش اوچون عرب دولتلریگه هم سفر قیلیب تورر ایکن.

ملی امنیت اداری سی عینی دمده انس حقانی بیلن قولگه کیرتیلگن شخص نینگ قورالی مخالف کوچلرنینگ خوست ده کی قوماندانی حافظ رشید بولگنینی معلوم قیلگن.

حقانی ترماغی بو حقده حاضرگچه هیچ نیرسه ایتمه گن .