طالبان ۱۳۱کوپریکنی قندهار – کابل شاه یولیده ویران قیلگن

Image copyright Pajhwok
Image caption وحید جناب لری افغانستان عامه منفعتلر وزیرلیگی بو کوپریک لرنی قیته قوریشگه حرکت قیلگن بیراق طالبان نینگ تهدیدگه دوچ کیلشگن.

افغانستان نینگ عامه منفعت لری وزیرلیگی ملازم لری نینگ معلوم قیلیشیچه اوتگن بیرنیچه ییل جریانیده طالبان کابل – قندهار شاه یولیده ۱۱۷ کیچیک کوپریک و ۱۴ کته کوپریک نی ویران قیلگنلر.

عامه منفعتلر وزیرلیگی معاونی احمد شاه وحید نینگ بی بی سی گه ایتیشیچه کابل – قندهار یولی مملکت ولایت لری همده قوشنی مملکتلر بیلن اقتصادی علاقه لرنی قوریش اوچون مهم شاه یوللردن بیری حساب لنه دی .

اونگه کوره طالبان پارتلاوچی ماده لر بیلن کوپریک لرنی ویران ایتگن.

اونینگ ایتیشیچه بو وضعیت ییرک قیینچیلیک لرنی هم ایجاد ایتگن .

وحید جناب لری افغانستان عامه منفعتلر وزیرلیگی بو کوپریک لرنی قیته قوریشگه حرکت قیلگن بیراق طالبان نینگ تهدیدگه دوچ کیلشگن.

اونینگ معلوم قیلیشیچه ایرم کوپریک لرنینگ قیته قوریشیگه مسئول بولگن شرکت نینگ ایککی خادمی طالبان تمانیدن اوغیرلنگن و موتر لریگه اوت قوییلگن.

طالبان قیته قوریلگن کوپریک لرنی هم ویران ایتگن .

وحید جنابلری گه کوره افغانستان ده کی کوپریکلر و شونگه اوخشش پارتلش لر و اینقسه تانکر لرنینگ هجومگه آلینیشی عاقبتیده ویران بولگن شاه یوللرنی قیته قوریش اوچون ۱۸۰ میلیون دالرگه احتیاج بار.