افغانستان وترکیه آره سیده اوزاق مدتلی استراتیژیک همکارلیک بیتیمی امضالندی

Image copyright AFP

افغانستان و ترکیه جمهوررییسلری آره سیده اوزاق مدت لی استراتیژیک همکارلیک بیتمی امضالندی. جمهوررییس اشرف غنی احمدزی ترکیه افغانستان بیلن یخشی همکارلیکده بولگنینی تیلگه آلدی.

احمدزی جنابلری بو استراتیژیک همکارلیک بتیم امضالنگنیدن سونگ ترکیه جمهوررییسی بیلن قوشمه مطبوعات انجمنی اوتکزیب اوتگن ییللرده هم ترکیه افغانستان اوچون کوزگه کورینرلی درجه ده همکارلیک قیلگنینی تاکیدله دی.

اونینگ ایتیشیچه، ترکیه مولانا جلال الدین بیلیم یورتی نی کابل گه ایجاد ایته دی شونینگ دیک علی آباد کسلخانه سی نی قیته قوره دی .

عینی حالده جمهوررییس احمدزی، ایککی جمهوررییس اره سیده اسلام دنیاسی خصوصیده و ترکیه نینگ اسلامی اولکه لر بویچه رولی باره سیده هم صحبت لر بولیب اوتگنینی تیلگه آلدی.همده افغانستان و ترکیه دولت لری اره سیده ادارمه اداره همکارلیک لر کوچیتیریلیشی هم صحبت لرنینگ باشقه بیر قسمی بولگنینی ایتدی.

شونینگ دیک منطقه بویچه تینچلیک نی مستحکم لش خصوصیده ترکیه نینگ رولی باره سیده هم صحبت لر بولگنینی اورغوله دی.

افغانستان جمهوررییسی صحبت لری دوامیده، افغانستان ترکمنستان ارقه لی ترکیه بیلن باغله نیشینی تیلگه آلدی.

ترکیه افغانستان نینگ زراعت، ترانسپورت و کانلرنی قازیب چیقه ریش خصوصیده هم همکارلیک قیلیش وعده سینی بیرگن.

ترکیه جمهوررییسی رجب طیب اردوغان، ترکیه دولتی افغانستان بیلن چقور همکارلیک ده بولیشینی تاکیدلب، خلق ارا کابل هوا قونالغاسی قوریلیشی اوچون مالی همکا رلیک قیلیش وعده سینی بیردی.

شونگه علاوه ترکیه جمهوررییسی رجب طیب اردوغان منطقه تینچلیکنی تامین لش اوچون افغانستان و پاکستان علاقه لری مستحکم له نیشی اوته ضرورلیگنی اورغولب، پاکستان، افغانستان و ترکیه اره سیده اوچ تمانلمه مذاکره لر قیته باشلنیشنی تیلگه آلدی.

جناب اردوغان پاکستان رولی باره سیده شوندی دیدی:" پاکستان همکارلیگی بولمه گنده ایدی، افغانستان ده سیلاو قینچیلیک سیز بولیب اوتمس ایدی،سیلاو زمانیده بو مملکت تروریست لرنی چیگره دن اوتیب کیلیشگه ایزین بیرمه دی."

عینی حالده او، افغانستان و ترکیه اره سیده تجاری علاقه لر کوچله نیشینی تاکیدلب، افغانستان ده ایشلب چیقه ریله دیگن متاع لر اوچون ترکیه ده بازار اچیلیشی کیره ک لیگنی تیلگه الدی ، همده افغان تاجرلری اوچون ترکیه گه سرمایه یاتقیزیش خصوصیده هم چاره کوریلیشینی سوزبیردی.

ترکیه افغانستان بیلن تاریخی علاقه گه ایگه و پاکستان بیلن هم استراتیژیک علاقه سی بار. ترکیه رهبرلری بو علاقه لردن فایده له نیب کابل واسلام آباد اره سیده واسطه چیلیک قیلیش نیتیده بولگن.

Image caption ترکیه جمهوررییسی افغانستان دولتی نینگ اجراییه رییسی عبدالله عبدالله بیلن هم اوچره شگن.

ترکیه جمهوررییسی رجب طیب اردوغان کابلگه کیریب کیلیشی بیلن قیزیق کوتیب آلیندی. اوتگن بیش دهه ده بیرینچی مرته دیرکه ترکیه جمهوررییسی افغانستان گه سفر قیله دی.شوسبب جناب اردوغان نینگ بو سفری اوته اهمیت لی اته لیب اونینگ سفری اوچون ترتیبات هم کوریلگن ایدی.

شونینگ دیک کابل غربیده مزاری میدانی و دارالامان قصری اره سیده گی یول اردوغان و احمدزی اشتراکی بیلن اچیلدی بو یول ترکیه نینگ مالی یاردمی بیلن قوریلگن.

ایککی کون الدین کابل شهری نینگ غربیده امنیتی چاره تدبیرلر کوریلیب یول نینگ ایککی تامانی بیزه تیلگن ایدی .

ترکیه دولتی تروریزم گه قرشی کوره شیش، قیته قوریش خصوصیده افغانستان نینگ مهم حمامیلریدن بیری حساب لنه دی.

بومملکت نینگ 393 عسکری افغانستانده فعالیت آلیب باره دی، اما اوروش میدانلریده اونچه لیک اشتراک ایتمیدی شوباعث ترکیه عسکرلری اوروش میدانیده تلفات کورمه گن.

.