پاکستان : ملی بیرلیک حکومتیدن حمایت قیله میز

افغانستان جمهور رئیسی پاکستان باش وزیری نینگ تشقی و خوف سیزلیک مساله لری بویچه مصلحتچی سی سرتاج عزیز بیلن کابل ده اوچره شیب ایککی مملکت آره سیده کی امنیتی، اقتصادی علاقه لر باره سیده صحبت آلیب بارگن .

جناب احمدزی افغانستان نینگ تروریست لر پناه گاهیگه ایله نیشی گه اذین بیرمسلیگنی ایتیب، تینچ لیک نینگ تامین له نیشی اوچون عمل زمانی کیلگن دیب تاکید له گن .

او عینی دمده ایککی مملکت آره سیده ایشانچ نی تامین لب، عیبلشنی توخته تیش کیرک دیب ایتگن .

سرتاج عزیز افغانستانده ینگی ملی بیرلیک حکومت نینگ قورلیشی ایککی مملکت آره سیده کی علاقه لرنینگ مستحکم له نیشی اوچون ییرک فرصت دیب بها له گن . او افغانستان ده کی ینگی حکومت دن حمایت قیلیشنی تیلگه آلیب ایککی مملکت اره سیده کی اقتصادی علاقه لرنینگ کوچلنتیرلیشی کیرک لیگنی تاکید له گن .

کابل گه رسمی سفر بیلن تشریف کیلتیرگن پاکستان ملی امنیت مصلحت چیسی سرتاج عزیز جمهوررییسی اشرف غنی احمدزی و اجراییه رییس عبدالله عبدالله نی اسلام اباد گه سفر قیلیشگه چیقیردی.

عزیز جنابلری اجراییه رییسی عبدالله عبدالله بیلن اوچره شیب ینگی حکومت ایککی اولکه اره سیده گی ایشانچنی کوچیتیریش اوچون ینگی فرصت یره تگنینی ایتگن.

افغانستان ده ینگی حکومت ایشگه باشلشدن بیری ، بیرنیچی مرته پاکستان یوقاری مرتبه لی مقاملریدن بیری سرتاج عزیز رسمی سفر بیلن کابلگه کیلدی.

پاکستان ملی امنیت مصلحت چیسی افغانستان اجراییه رییسی عبدالله عبدالله بیلن جمهوررییسلیک سرایده اوچره شدی.

ایککی تامان هم خبرنگار لر بیلن صحبت قیلیشگه حاضر بولمه دیلر، اما عبدالله عبدالله نینگ مطبوعاتی مسووللریدن بیری ایککی مقام ملی بیردملیک حکومت تامانیدن یره تیلگن فرصتلردن فایده له نیش خصوصیده صحبت قیلگنینی ایتدی.

شونینگ دیک تینچلیک نی مستحکم لش، تروریزمگه قرشی کوره شیش وپاکستان نینگ راکتی هجوملری هم بو ملاقاتده مباحثه ایتیلگن.

پاکستان نینگ بومقامی افغان رهبرلیگی بیلن صلح جریانیدن حمایت بیلدیریشینی ایتگن.

همده او، تروریزمگه قرشی کوره شیش مساله سی جدی ایزه له نیشی کیره ک لیگینی اورغوله گن.

عینی حالده عزیز جنابلری؛ پاکستان توپراغی آرقه لی افغانستان راکتی هجومگه توتیلیشینی قوراللی عصیانچیلرگه نسبت بیرگن و بوکبی هجوملری آلدی آلینیشی اوچون اسلام باد جدی سعی قیلیش وعده سینی بیرگن.

پاکستان نینگ ملی امنیت مصلحت چیسی جمهورریس غنی واجراییه رییسی عبدالله نی پاکستان گه رسمی سفر قیلیشگه چقیرگن.

اوتگن بیردهه ده ایککی مملکت اره سیده گی علاقه لر اوته ساووق لشگن. دیورند چیزیغی خصوصیده گی قرشلیک لروتروریزم مساله سی علاقه لرنی ساووق له شیشیگه اصلی عامل بولگنی ایتیلماقده.

هرچند ایککی مملکت هم موجود قینچلیک لرنی برطرف ایتیشگه سعی قیلیشلرینی تاکیدلب کیلگن، لیکن کورنیشیچه موجود ایشانچسیزلیک لرحاضرگه قدرهم برطرف ایتلمه گن.