عالی محکمه رییسی عبدالسلام عظیمی اوز لوازمیدن استعفا بیردی

Image copyright arg

جمهوررییسلیک سرای تامانیدن ترقه تیلگن خبرنامه یازیلیشیچه، افغانستان عالی محکمه نینگ وقتینچه لیک باشلیغی عبدالسلام عظیمی نینگ استعفانامه سی جمهوررییس تامانیدن قبول قیلینگن.عظیمی جنابلری بوندن آلدین استعفانامه سینی جمهوررییسلیککه تاپشیرگن ایکن.

همده خبرنامه ده یازیلیشیچه، جمهوررییس اشرف غنی احمدزی غازی امان الله مدالی بیلن عظیمی جنابلری نی تقدیر له گن.

عبدالسلام عظیمی 1386 نچی ییل افغانستان سابق جهوررییسی حامدکرزی تامانیدن عالی محکمه باشلیغی صفتیده پارلمانگه ته نیشتیریلیب ایشانچ آواز قولگه کیرتیشگه موفق بولدی.

او، بوندن آلدین جمهوررییس کرزی نینگ حقوقی مصلحتچیسی صفتیده وظیفه آلیب باررایدی.

1390 – ییل افغانستان اولوسی جرگه سی عظیمی جنابلری نینگ قانونی وقتی توگنینی اعلان قیلیب برطرف ایتیلیشینی طلب قیلدی، اما کرزی جنابلری ینگی بیر شخص نی بو مقاملیککه ته نیشتیرمه دی.

افغانستان ینگی جمهوررییسی اشرف غنی احمدزی تحلیف مراسمیده قضای اداره لرده فساد موجودلیگینی اورغولب اصلاحات الیب کیلیشینی تاکیدله دی. شونینگ دیک غنی جنابلری، اصلاحات آلیب کیلیش اوچون مخصوص بیر کمیسیون هم ایجاد ایتیلیشی نی سوزبیردی.

جمهوررییس غنی بیرآی جریانیده " مکافات و مجازات" اساسیده قضای اداره لر تیکیشیریلیشی کیرک لیگینی اورغوله گندی.

بو بیانات دن سونگ افغانستان عالی محکمه سی جمهوررییس سوزلرینی قطعی رد ایتدی.

شوندی ایکن، جمهوررییس لیک سرای تامانیدن ترقه تیلگن خبرنامه ده، احمدزی جنابلری عبدالسلام عظیمی نینگ قانوننی تطبیق ایتیش و عدالت توغریسده گی سعی وحرکتیدن منتدارچیلیک بیلدیرگنی معلوم قیلینگن.