بریتانیا افغانستانده گی آخرگی و ییرک حربی قرارگاه سینی افغانلرگه تاپشیردی

Image copyright MOD

افغانستانده فعالیت آلیب باره یاتگن بریتانیا کوچلری نینگ جنوبی هلمند ولایتیده گی اخرگی حربی قرارگاهی بوگون افغان امنیتی کوچلریگه تاپشیریلدی. بو حربی قرارگاه تاپشیریلیشی بیلن بریتانیا کوچلری نینگ حربی ماموریتی هم یکون تاپه دی. بریتانیا کوچلری میلادی 2001 – ییلده افغانستانگه کیلدی، شوپیتگه قدر 453 بریتانیالیک عسکر افغانستانده جانلرینی قولدن بیرگن.

امریکا کوچلری هم بوقرارگاه یانیده گی لیدرنک حربی کمپینی افغان لرگه تاپشیردی. امریکا حربیلری افغانستان نینگ تورلی منطقه لریده یوزبیرگن اوروشلرده کمیده 2349 عسکرینی قولدن بیرگن.

جنوبی هلمند ولایتیده گی باسشن حربی قرارگاهی بریتانیا تامانیدن ایجاد ایتیب اوشبو کوچلر اختیاریده ایدی، دنیا بویلب بریتانیا نینگ ییرییک حربی قرارگاه سی دیب اتلگن بو مرکزحربی بیرمراسم ارقه لی بوگون افغان امنیتی کوچلریگه تاپشیریلدی.

بوبیلن بریتانیاکوچلری نینگ افغانستانده گی اوروش ماموریتی هم یکون تاپه دی.

Image copyright BBC World Service

شونینگ دیک بو مرکز یانیده گی لیدرنک ناملی امریکا لیک قرارگاه هم افغانلرگه تاپشیریلدی.بومراسمده حضوری بولگن بی سی سی خبرنگاری جانه تن بیل مراسم قندی اوتکزیلگنینی شوندی حکایه قیله دی:"میلادی 2006 ییلدن بیری هلمنده گی باسشن حربی قرارهیده کوتاریلگن بریتانیا بیراغی ساده چه مراسم ارقه لی توشیریلیب اورنیده افغانستان بیراغی کوتاریلدی. شونینگ دیک اوچ مملکت عسکرلری. حرمت کورسه تیش اوچون یانمه یان توختب اوچ دولت ملی سرودینی اجرا ایتدیلر."دیدی جانه تن بیل.

بریتانیا کوچلری طالبان حکومتی آغدریلگنیدن سونگ اون اوچ ییل دن بیری افغانستانده فعالیت قیلیب کیلگن، میلادی 2006 ییلدن بیری باسشن کمپی اولرنینگ اساسی مرکزی حسابلنرایدی. بریتانیا کوچلری شوپیتگه قدر 453 عسکرینی افغانستانده قولدن بیرگن.

هلمنده گی باسشن حربی قرارگاه خارجی کوچلرنینگ ییریک حربی قرارگاه سی بولیب معیاری هوا قونالغا و جهازلنگن کسلخانه ایگه بولگن. یعنی هواقونالغاسیده بیرکونده قریب التی یوز اوچاق اوچیب قونر ایکن.

جاری میلادی ییل آخرلریده افغانستانده فعالیت آلیب باره یاتگن برچه خارجی کوچلر افغانستاننی ترک ایتیشی کوتیله دی ، اما بیرقنچه بریتانیا کوچلری افغان امنیتی کوچلریگه مصلحت بیریش اوچون کابلده گی حربی مرکزلردن بیریده قالیشی ممکن.

میلادی 2001 ییلدن بیری حاضرگه قدر 140 مینگ بریتانیاحربیلری افغانستانده وظیفه بجرگن افغانستان اوروشی بریتانیا اوچون 19 میلیارد پوند هزینه کوتارگن. میلادی 2009 ییلده 108 بریتانیا لیک عسکر قربان بولیب اوشبو کوچلر اوچون اینگ قانلی ییل دیه کورسه تیلدی.

هلمنده گی باسشن حربی قرارگاه ایککینچی جهان اوروشیدن سونگ اینگ ییریک حربی مرکز دیرکه بریتانیا دن تشقری قوریله دی.

اون اوچ ییل دن سونگ افغان امنیتی کوچلری خوف سیزلیک مسوولیت لرینی اوز ذمه سیگه آلماقده. شوندی بیر شرایطده اوشبو کوچلرگه قرشی تهدید لرهم آشگن. جاری ییل نینگ یتتی آی اولیده تورت مینگ دن ارتیق افغان عسکری قربان بولگن.

اوتگن اون ییلده، افغان ملی اردوی کوچلریدن یتتی مینگ عسکر و ضابط یوزبیرگن ناقرارلیک لرده هلاک ایتیلگن.

میلادی 2015 – ییل افغان امنیتی کوچلری اوچون سیناوبیر ییل بوله دی، چونکی بو کوچلری یککه لیک بیلن بیرینچی بار عصیانچیلرگه قرشی اوروشگه کیره دی . شوندی ایکن افغان امنیتی کوچلری زمانه وی حربی جهازلربیلن جهازلنمه گنیدن شکایت قیلیب کیلماقده.