عمومی یاپیق مکان لرده چیکیشنی منع ایتیش قانونی تصدیقلندی

دخانیات یاچیکیشنی آلدینی آلیش قانونی ایکله مجلس نینگ قوشمه کمیته سی تاماندن تصدیقلندی.بوقانونده تنباکومحصولاتی گه عاید سکرت ونصوار باله لرتامانیدن ساتیلیشی منع ایتیلگن.مذکورقانون جمهوررئیس امضاسیدن اوتیشی بیلن کوچگه کیریشی کوتیله دی.

سنا واولوسی جرگه تاماندن تشکیل ایتیلگن قوشمه کمیته ایریم اوزگریشلرکیلتیریش بیلن بوقانون تصدیقلندی.

بوقانون اوتگن قیشده اولوسی جرگه تامانیدن تصدیقله نیب کیین سنامجلسی گه جونه تیلگندی. بیراق سنا مجلسی نینگ بوباره ده ایریم تکلیف وملاحظه لری بارلیگی سبب تصدیقدن اوتمی، رد ایتیلدی.

بونینگ آرتیدن ایکله مجلس تامانیدن بومساله گه بیرگه فکرگه کیلیش اوچون قوشمه کمیته ایجادایتیلیب بوتوغریده ایشگه باشله دی.

چیکیشنی منع ایتیش قانونی تطبیق ایتیلیشی بیلن سکرت، تنباکو، قیلون ونصوارچیککن شخص 300افغانی جریمه بیریشگه مجبور. بوندن تشقری خارجدن کیلتیره دیگن سکرت تجارلری دن باجخانه آرقه لی 50فایزسالیق آلینه دی.

اولوسی جرگه اعضالریدن نقیب الله فایق بوقانون کوچگه کیریشی نی نظارت ایتیش اوچون ایچکی ایشلر، ساغیلقنی سقلش، مالیه، و ایکینچیلیک وزیرلیک لری و اطراف محیطنی محافظه ایتیش اداره سی وکیللری تشکیل تاپیشی ممکن دیدی.

اونگه کوره تیگیشلی اداره لربوخصوصده جدی همکارلیک قیلیشلری سوزبیریلگن.

متخصص لربوقانون تولیق رعایت ایتیلگن تقدیرده آدم لر ساغلیغی اقتصادی ضررآلدی آلنیشی اوچون مهم دیب تاکدیله یدیلربیراق حاضرگی شرایطده عملی بولیشیگه شبهه بیلن قره یدیلر.

بوقانون 5فصل و25ماده دن عبارت بولیب تیزآره ده جمهور رئیس امضالش اوچون جونه تیله دی.