افغانستان وچین آره سیده تورت کیلشوو بیتمی امضالندی

Image copyright Arg

جمهوررییس اشرف غنی احمدز نینگ چین ده گی سفری نینگ بیرینچی کونیده سیاسی واقتصادی بولیملر خصوصیده افغانستان و چین اره سیده تورت کیلیشووبیتم امضالندی.

افغانستان جمهوررییسی بلند مربته لی بیرگروه هیات بیلن چین گه سفر قیلگن، جمهوررییسلیک سرای نینگ ایتیشچه جناب غنی چین جمهوررییسی شی جین پینگ بیلن ملاقات اوتکزگنیدن سونگ بو بیتیم امضالنگن.

ایککی جمهورییس ایشخانه سی تامانیدن ترقه تیلگن خبرنامه ده اوچره شوو باره سیده شوندی یازیلگن" افغانستان و چین اره سیده سیاسی، امنیتی ، اقتصادی، تجاری وفرهنگی بولیم لرده علاقه لرنی کینگیتیریش، شونینگ دیک تروریزم، افراطی چیلیک منطقه و خلق ارا مساله لر مباحثه ایتیلگن."

سیاسی پاسپورت گه ایگه بولگن ایککی مملکت وطنداشلری ویزه آلمسدن سفر قیلیشلری، چین دولتی تامانیدن انسان پرورلیک یاردم ییتکیزیلیشی، اقتصادی و فنی علاقه لرنی کینگیتیریش، همده ایکی مملکت تجارت اتاق لری اره سیده تجاری علاقه لری مستحکم لش کیلیشوو بیتم نینگ اساسی بولیمی بولگن.

بونگه علاوه چین جمهوررییسی جاری میلادی ییل آخریگه قدر 500 میلیون یوان افغانستان گه یاردم قیلیش وعده سینی بیرگن.همده او کیله جک ییللرده بو یاردم بیر یریم میلیارد یوان گه کوتاریلیشی ممکن لیگینی ایتگن.

شونینگ دیک او، کیله جک بیش ییلده 500 تحصیلی بورس افغان طلبه لری اختیاریده قوییلیشینی ایتیب. عینی حالده 3 مینگ دولت خادملریگه هم ایش بیلرمانلیک بویچه تحصیل زمینه سی یره تیلیشینی سوز بیرگن.

افغانستان و چین آره سیده تورلی بولیم لر اینیقسه اقتصادتوغریسیده چقور علاقه لر موجود. افغانستانده گی ایریم کانلر چین شرکت لر تامانیدن قازیب چیقه ریلماقده. چین لیک شرکت لر مس کانی، شمالده گی نفت ذخیره لرینی قازیب چیقه ریش و یول قوریش اوچون ییریک سرمایه یاتقیزگن.

پکن گه بارگن بی بی سی خبرنگاری خلیل نوری نینگ ایتیشیچه، جمهوررییس غنی چین جمهوررییسی بیلن اوچره شیب چین بیلن استراتیژیک علاقه لرنی کوچیتیریش دولتی نینگ مهم تشقی سیاستی بولگنینی اورغوله گن و افغانستان امنیتی اینیقسه، تروریزم و مخدرماده لرگه قرش کوره شیش خصوصیده همکارلیک لرنی کینگیتیریشینی ایتگن.

شونینگ دیک او، چین دولتی نینگ صلح جریانی خصوصیده کورستگن همکارلیگی دن منتدارچیلیک بیلدیرگن.

ملی امنیت مصلحت چیسی حنیف اتمر، اقتصاد بویچه مصلحت چیسی عمرزاخیلوال، اجراییه رییس ایکینچی اورین باسری محمد محقق، تشقی ایشلر، مدافعه، تجارت وزیرلیک لری نینگ وقتینچه لیک وزیرلری هم جمهوررییس بیلن چین گه سفر قیلگن.