اشرف غنی: بیر عیالنی عالی محکمه اعضا سی صفتیده ته نیشتیره من

افغانستان جمهوررییسی اشرف غنی احمدزی بیرینچی مرته بیر عیالنی عالی محکمه اعضاسی صفتیده تعین ایتیش وعده سینی بیرگن، جمهوررییس غنی چین نینگ شینهوای بیلیم یورتیده شوندی بیانات بیلن چیققن.

حاضرگه قدر افغانستان تاریخیده هیچ بیر عیال عالی محکمه اعضاسی صفتیده تعین ایتیلمه گن.

افغانستان جمهوررییسی اشرف غنی احمدزی چینده گی رسمی سفری نینگ ایککینچی کونیده شینهوای بیلیم یورتیده سوزگه چیقیب افغانستان باره سیده معلومات بیرگن . شینهوا طلبه لریدن بیری عالی محکمه اعضالیگیده عیاللر حضوری باره سیده سوال قیلگن ده جمهوررییس غنی یقینده بیرعیالنی افغانستان عالی محکمه اعضاسی صفتیده تعین ایتیشینی تاکییدله گن:"مین عالی محکمه نینگ بیرینچی عیال اعضاسینی تعین لش وعده سینی بیرگن من، بو وعدمنی عملی قیلیشگه امین من، شونینگ دیک تورلی بولیم لرده عیاللر اشتراک ایتیش زمینه سینی مهیا ایته من. شوندی ایکن قانون رولی اوته ساده، اما اساسی بیر قینچلیک بو بییش ییلده قانوننی تولیق تطبیق ایته دیگن بیرشخص صفتیده تانیلشگه امید بیلدیره من."

عینی حالده جمهوررییس غنی اسلام دینی عیاللرگه ملکیت و تولیق اشتراک ایتیش حقینی بیرگنینی تیلگه آلگن.

جمهوررییس اشرف غنی احمدزی چین نینگ شینهوای بیلیم یورتیده قیلگن چیقیشیده کیله جک ایککی ایده عالی محکمه نینگ ایککی اعضاسی وایککی ییلدن سونگ بیش اعضاسی تانشتیریشینی تیلگه آلگن.

اوچ کیشی تورت ییل اوچ کیشی هم یتتی وینه اوچ کیشی اون ییل اوچون جمهوررییس تامانیدن عالی محکمه نامزدلری صفتیده رای آلیش اوچون پارلمان گه ته نیشتیریله دی.

بو توقیز کیشی رای آلگنیدن کیین اولرآره سیدن بیری جمهوررییس تامانیدن عالی محکمه باشلیغی صفتیده تعین ایتیله دی.

ایش مدتلری توگه مسدن آلدین هیچ کیم اولرنی برطرف ایته آلمیدی. همده اولرنینگ ایش مدتی هم اوزیتیریلمیدی.

شونینگ دیک جمهوررییس غنی قاضیلرنی تعین لش جریانی اوزی تمانیدن تیکشیریلیشینی اورغولب برچه قاضیلردن مصاحبه آلیشینی تاکیدله گن.

شونگه علاوه جناب غنی ملی بیردملیک دولت تشکیل ایتیش اوچون امضالنگن کیلشوو نامه اساسیده اساسی قانوننی کوریب چیقیش اوچون مخصوص کمیسیون تشکیل ایتیش وعده سینی بیرگن. همده او، هر آلتی آیده قانون عملی بولیشی باره سیده خلق گه معلومات بیریشگه تعهدلی ایکنینی ایتگن.