جمهوررییسلیک سرای: بوندن بویان جمهوررییس فقط " محمد اشرف غنی" دیه ناملنسین

افغانستان جمهوررییسلیک سرای تمانیدن ترقه تیلگن بیربیانات، دیپلماتیک و رسمی مکتوبلرده جمهوررییس فقط " محمد اشرف غنی" دیه یازیلیشی قیدایتیلگن.

امور اداره سی نینگ رییسی عبدالسلام رحیمی امضاسی بیلن دولتی اداره لرگه یولنگن بو مکتوبده افغانستان جمهوررییسی " اسمی و هویتی" محمد اشرف غنی ایکنی قید ایتیلیب دولتی اداره لر شو اسم دن فایده له نیشی کیرک لیگی تاکیدلنگن.

بوندن الدین جمهوررییس" محمد اشرف غنی احمدزی " دیه ناملنیرایدی بو بیانات اساسیده رسمی مکتوبلرده" احمدزی" جمهوررییس اسمی دن آلیب تشله نیشی اروغولنگن.

بوندن بیرهفته الدین هم ه شوندی فرمان ترقه تیلیشی خصوصیده ایریم دولتی اداره لر تمانیدن خبرلر نشر ایتیلگن ایدی، اما بوفرمان بوگون رسمی شکلده دولتی اداره لرگه یولنگنی ایتیلماقده.

بوینگی فرمان، اجتماعی ترماق لرده قطار مناسبت لر بیلن بیرگه بولیب کوپچیلیک تامانیدن خوش قرشی لنگن.

اجتماعی ترماقلردن فایده لنه دیگن ایریم شخصلر جمهوررییس بو فرمانی بیلن بیرقومگه باغلیق بولمی ، بلکه برچه افغان خقلی نینگ جمهوررییسی ایکن لیگینی کوره سه تیش نیتیده دیه فکر بیلدیرگن.

احمدزی، افغانستان پشتون قوملری نینگ ییریک قوم لریدن بیری، غنی جنابلری هم بو قومگه تعلقلی شو سبب او " اشرف غنی احمدزی" ناملی بیلن شهرت قازانگن.