ینگی قانونده 21یاشنی تولدیرمه گن شخص حربی ساحه ده خذمت قیله آلمه یدی

کیچیک یاشلی باله لرنی حربی بولیم لرده خذمتگه آلینمسلیک قانونی بوگون اولوسی جرگه تاماندن تصدیقلندی.

بوقانون لایحه سی بوندن آلدین افغانستان عدلیه وزیرلیگی تامانیدن اولوسی جرگه گه جونه تیلگندی.

مذکورقانون لایحه سی اولوسی جرگه کمیسیون لری تامانیدن بحثگه آلینیب ایریم اوزگریش لری کیلتیریلیشی بیلن نهایتده بوگون بومجلس نینگ اکثریت آوازی بیلن تصدیقیدن اوتدی.

بوقانوگه کوره گودک لرنی حربی بولیمگه خذمت آلیش جرم حسابله نیب وبونگه یول قویگن شخص لرآلتی آیدن بیر ییل مدتی گچه قماققه محکوم ایتیلیشی ممکن.

اوتمیشده 18یاشنی تولدیرمه گن باله لرپلیس صفیده خذمت قیلیش اوچون ایشگه آلینردی.

اما بوقانونده بیریاشنی حربی بولیم صفیده خذمت گه آلیش اوچون ییگیرمه بیرییل نظرده توتیلگن.

اولوسی جرگه تامانیدن تصدیقلنگن بوقانون بیرفصل و7ماده دن عبارت بولگن.

بلاغت یاشیگه ییتمه گن باله لرنی حربی بولیم ده خذمت گه آلینمسلیک قانونی اولوسی جرگه تصدیقی دن اوتیشی بیلن سنامجلسی تصدیقی دن اوته دی. کیین جمهوررئیس تامانیدن امضاله نیشی بیلن کوچگه کیره دی.