لوگر ولایتیده خودکش هجوملر صادر ایتیلدی

لوگر افغانستان نینگ ناتینچ ولایتلریدن بیری سنه له دی.لوگر حاکمی سوزچیسی ولایت نینگ ازره منطقه سیده کیتمه ـ کیت صادر ایتیلگن خودکش هجوملرده 9 کیشی اولگن و باشقه 20 نفر یره لنگنی نی ایتگن.

دین محمد درویش نینگ بی بی سیگه معلوم قیلیشیچه، خودکش هجوم اوزی نینگ پارتلاوچی ماده دن توله بولگن موترینی بوگون توشده قیشلاق یقینیده جایلشگن خوفسیزلیک پوسته آلدیده پارتله تیب یوبارگن.

اونگه کوره، بو حادثه 6 نفر پولیس و اوچ ملی اردو عسکری هلاک بولگن. او شونینگ دیک، یره لنگنلر عادی اهالی بولیب اولردن آلتی ته سی باله لردن عبارت ایکنی نی ایتگن.

لوگر حاکمی سوزچیسی مذکور واقعه ده اوچ ته استقامت اوی و بیرمسجد گه خساره ییتگنینی معلوم قیلگن.

درویش جنابلری خودکش هجوملر کیم لر تمانیدن عملگه آشیریلگنی باره سیده بیرار نرسه دیمه گن و هیچ کیم بونینگ مسوولیتی نی اوز ذمه سیگه هنوزگچه آلمه گن.

لوگر طالبان فعالیت قیله یاتگن ولایتلردن بیری. جنگریلر هردایم خوفسیزلیک کوچلری بیلن توقنه شیب، گاهیده ماین اورنه تیب توریشه دی.

بوندن بیر ییل مقدم لوگر والیسی ارسلا جمال قربان هییتی مراسمیده مسجد نینگ محرابیگه اورنه تیلگن ماین پارتلشی عاقبتیده هلاک بولگندی.