افغانستان تاتارلری نیگه هزاره گی تیلده گپلشماقده لر؟

افغانستان تاتارلری آنه تیللرینی یوقاتگن و اولرنینگ رهبری تاتارستانگه بیر نیچه بار چقیریلیب، ترجمان آرقه لی چیقیش قیلگن.شمالی بلخ ولایتی نینگ اوزیده تورت مینگ عایله دن آرتیق تاتار حیات کیچیرماقده.

اولر ایسه هزاره گی تیلیده گپلشه دی و اکثرآ باله لری مکتبدن محروم قالیشگن.

شمالی بلخ ولایتی نینگ اوزیده تورت مینگ عایله دن آرتیق تاتار حیات کیچیرماقده. اولر ایسه هزاره گی تیلیده گپلشه دی و اکثرآ باله لری مکتبدن محروم قالیشگن.

افغانستان تاتارلری رهبری کمال الدین تاتار مملکت بویلب کمیده بیر میلیون تاتارنی رهبرلیک قیله یاتگنینی ایتگن.

بولر اکثرآ مملکت نینگ اوتیش توریشی قیین بولگن منطقه لریده حیات کیچیریشه دی.

اما بولر آنه تیللرینی یوقاتیب قویگن و اونینگ اورنیگه اکثرآ هزاره گی تیلیده گپلشه دیلر.

کمال الدین بیر نیچه بار تاتارستانگه تاتارلر قوریلتاییده دعوت قیلینگن، اما اوییرده تاتار تیلینی بیلمه گنلیگی سبب، ترجمان آلیب سوزله گن" تاتارلر تورتینچی و بیشینچی خلق ارا قوریلتاییده مینی دعوت قیلیشگندی. بو قوریلتای تاتارستان نینگ قازان شهریده اویوشتیریلگندی. مین او ییرده ترجمان آلیب صحبت قیلدیم، چونکه تاتار تیلینی بیلمس ایدیم. قوریلتای اعضالری دن افغانستان تاتارلریگه یاردم کورستیشلرینی سوره دیم.اما افسوس که افغانستان تاتارلریگه هیچ قنده ی یاردم قیلیشمه دیلر".

اونگه کوره، بو مسله اونی جوده هم افسوسلنتیرگن.

او تاتار تیلی تیکله نیشی و تاتار باله لری آنه تیلیده اوقیب یازیش نی جدی ضرورت دیب بیله دی"بیز تاتار تیلی قیته تیکله نیشینی خواهله یمیز. ینگی حکومت هم اساسی طلبیمیز شوکه، افغانستان تاتارلری تیلی رواجلنیشی و باله لرگه مخصوص تعلیم زمینه سی مهیاقیلسین. تاتارلر شهرلردن اوزاق منطقه لرده استقامت قیلیشه دی. مدنیت اوزاق قالیشگن".

کمال الدین تاتار، افغانستان تاتارلری مملکتده یامان کونلرنی باشدن کیچیریب کیلگن، قهرمانلیک کورستگن. اما بوگونگه کیلیب، بو بیرمیلیونلی قتلم باشقه ملیتلرگه قره گنده، دولت ده هیچ قنده ی اورین

گه ایگه ایمس دییدی.

اونگه کوره، تاتارلرگه سیاسی صحنه لرگه جای بیریلمه گن. افغانستا

ن تاتارلری بو معما دن تشقری اجتماعی و مدنی ساحه لرده کوزگه ایلینمه گن دییدی.

Image caption کمال الدین : بیز تاتار تیلی قیته تیکله نیشینی خواهله یمیز

اویوشمه اعضالریدن بیری ثمر الدین تاتارهم باله لری نینگ آنه تیلیده گپله آلیشی نی آرزو قیله دی. اما اولر استقامت قیله یاتگن تورت مینگ عایله لی منطقه ده فقط بیرگینه مکتب موجود خلاص"باله لریمیز مکتبده دری تیلیده درس اوقیشه دی. تاتار تیلینی بیلیشمه یدی. اولر بیزنینگ آنه تیلیمیز نیمه دیب سوره شه دی. مکتب اوقیه یاتگن باله لریمیز تاتارلیگی نی بیلیشه دی شو سبب دن آنه تیلینی سوره ب توره دیلر. اما تاتارلر تیلینی مین هم بیلمه ی من اولرگه جواب قیته ره من".

بو تاتارلر اجتماعی نقطه ی نظردن باشقه ملتلرگه قره گنده، هنوز هم قدیمی عرف ـ عادتلرینی سقلب قالیشگن. توی نکاح مراسملری هلی هم ساده و حویلی محله ده برپا ایتیله دی. باشقه لردن قیزآلیب قیز بیریشمه یدی.

عیاللری ایسه، گلم وباشقه قدیمی اوی بویوملرنی توقه یدیلر. اما اسبابلرینی بازار چیقه ریشمه یدی.

افغانستان تاتارلری اوزاق ییللردن بیری مملکت نینگ اکثرآ مرکزی حدودلری جمله ده بامیان و سمنگان ولایتلریده کون کیچیریب کیلگن.

افغانستان تاتارلریگه کوره، اولر خوارزمشاه دوریدن آلدین بو ییرده کون کیچیریب کیلیشگن و باشقه ملتلرسینگری مملکتده روی بیرگن برچه عذاب عاقبتلرنی باشدن کیچیرگن.

بو تاتارلری اکثرآ زراعت و چارواچیلیک ساحه لریده شغللنه دیلر. جمله دن آت اسره ش و تربیه لش ده اولر مهارتلری کته ایکنلیگی نی ایتیشماقده.