جوزجان ده اونلب قیشلاق عیاللری نمایشگه چیقدی

بوگون ایرته لب بیش یوزدن آرتیق عیال شبرغان شهریده نمایشگه چیقیب، حاکم نینگ وظیفه سیدن چیتلنتیریلیشینی طلب قیلیشگن.

اولرگه کوره، جوزجان حاکمی بوندن آلتی مقدم اولرگه یاردم بیریش کارتلرینی ترقتگن،اما یاردملر اولرگه ایمس بلکه حاکم تنیش آدملری ترقه تیلگن.

بو عیاللرگه کوره، اولر یاردم گه محتاج بولیب، یامان شرایط ده کون کیچیرماقده لر.

بو عیاللر شبرغان شهری اطراف منطقه لریدن کیلیب، میکانیزه یا یاردم بیریش اداره ایشیگی آلدیده اعتراض بیلدیرگنلر.

بو نمایش اوچ ساعت دوام ایتیب، شهر قتناو یولی ایکی ساعت اطرافیده کیسیلیب قالگنیگه سبب بولگن.

نمایشچی عیاللر اکثرآ کمبغل بولیب، اوروش وطبیعی حادثه لرده سرپرستلرینی قولدن بیریشگنلر.

اما نمایشچیلرنینگ شکایتلریگه ولایت حاکمیتی و یاردم بیریش اداره مسوللری اعتبار بیریشمه گن.

بو ییل بهار فصلیده جوزجان، سرپل و فاریاب ولایتلری نینگ بیرنیچه تومنلریده روی بیرگن سوو تاشقینلری عاقبتیده مینگلب عایله اوز اوی جایلرینی قولدن بیریب، باشقه جایلرگه کوچیشگه مجبور بولیشدی.

دولت وباشقه یاردم بیرووچی تشکیلاتلر کومک ییتکزیب بیرگنیگه قره مه ی، هلی هم مذکور عایله لردن کته قسمی یاردمگه محتاج ایکنلیکلری باره سیده شکایت قیلماقده لر. اولر شونینگدیک، قیش کیریب کیلیشی بیلن آذیق آوقت و ایسیق کییم کیچککه احتیاج بارلیگینی تاکیدله گن.