ناتو: افغانستان ده ٢٠١٦ ييلدن سونگ عسكر لرنى قالديريشينى كوريب چيقماقده

افغانستان ده ینگی دن ایتلاف کوچلری نینگ باش قوماندانی صفتیده ماموریت باشله گن جنرال کان کامپ بل غرب عاموی بیرقطار اخبارات واسطه لری بیلن اوتکزگن صحبتیده، میلادی 2016 ییلدن کیین افغانستان ده کوچ قالدیریش گه احتیاج بارلیگی یوقلیگی اوستیده بحث قیله یاتکنلیکلرینی ایتگن.

بو امریکا لیک جنرالگه کوره، افغانستان جمهور رییسلیک سیلاوی قریب بیر ییل اوزاققه اوزیلگن و افغانستان وامریکا اورته سیده گی خوفسیزلیک پیمان هم سیلاو جنجللری سبب کیچیکتیریلگن. او شونینگ دیک، سونگی آیلرده افغان خوفسیزلیک کوچلری تلفات میزانی هم آشگنی نی معلوم قیلگن. اونینگ ایتیشیچه، عینی مسله لر سبب افغانستان شرایطی کوپراق تحلیل وتیکشیرووگه احتیاجی بار.

افغانستان حکومتی 2016 ییلدن سونگ؛ خارجی کوچلرنینگ حضوری باره سیده ایکله مملکت اورته سیده امضالنگن امنتی پیمان نینگ مضمونی گه تاکیدله ماقده، اما افغان خوفسیزلیک کوچلری اوزی مملکت خوفسیزلیگی نی تامینلشده تیار دییدی.

افغانستان جمهور رییسلیک سرایی سوزچیسی نظیف الله سالارزی نینگ ایتیشیچه، خارجی کوچلر مخصوص شرایط گه بنآ؛ ماموریتلریگه دوام بیریشلری ممکن:"حربی عملیاتلر افغانلر رهبرلیگی آستیده اوتکزیلیشی کیره ک. جوده دقت بیلن و مسله نیمه لیگی انیق لنیب، افغانلرنینگ عرف عادتلری وقانون قاعده لری نظرده توتیلگن حالده، عملیات اوتکزیلیشی کیره ک. بو البته ضرورت سیزیلگن حالده، اولرنی همکارلیککه چقیره میز".

افغانستان و امریکا اورته سیده امضالنگن کیلیشوونامه گه بنآ؛ قریب 10 مینگ امرلیکا عسکر و 4 مینگ دن 5 مینگه قدر ناتو گه اعضالر دولتلرنینگ حربیلری میلادی 2014 ییلده سونگ حربی ماموریتلرنی بجریش مقصدیده افغانستانده قاله دی.

ناتو رسمیلریگه کوره، میلادی 2014 ییلدن سونگ، بو کوچلرنینگ اساسی وظیفه لری افغانستان خوفسیزلیک کوچلرینی تیارگرلیکدن اوتکزیش، مصلحت بیریش و حمایه قیلیشدن عبارت.

عین حالده، افغانستان ینگی حکومتی خارجی کوچلر بیلن علاقه سی آلدینگی حکومتگه نسبتآ، کوچه یگنی دن هم خبر بیرماقده.

کوزه تووچیلر هم مملکت ینگی جمهور رییسی محند اشرف غنی نی غرب اینیقسه، امریکا دولتیگه یقین شخص ایکنی نی ایتیب، امریکاده تحصیل آلیب ایشله گنی نی، علاقه لرنینگ کوچه یی یاتگنیگه دلالت بیریشی ممکنلیگی نی ایتماقده لر.