بلخ حاکمی: بایلیگیم حقیده هیچ کیمدن قورقمه ی من

بلخ حاکمی عطامحمد نور اجتماعی ترماغلرده اونینگ یوزلب میلیون دالر سرمایه گه ایگه ایکنلیگی حقیده گی ادعالرنی رد ایتگن.او بو سوزنی بوگون بلخ ولایتی ولایت کینگش ینگی اعضالری نینگ تحلیف مراسمیده تیلگه آلگن.

نور جنابلری برچه سرمایه 5 میلیون دالرگه یقین ایکنینی ایتیب، قیزلری و اوغیللری نامیگه بلند قبتلی بناللربارلیگی نی رد ایتگن.

بلخ حاکمی عطامحمد نور بوگون ولایت کینگش ینگی اعضالری نینگ تحلیف مراسمیده قتنشیب، سوزگه چیقدی، اما بو مراسمده او اجتماعی ترماغلرده او یوزلب میلیون دالر ناقانونی سرمایه لرگه ایگه ایکنلیگی حقیده قیلینه یاتگن ادعالرنی رد ایتدی.

او، ایچکری وتشقریده بیش میلیون دالرگه یقین سرمایم یوق دییدی:"بیش میلیونگه یقین هم تاپه آلمه ی میز. دنیا ده گی هیچ بیر بانک امریکالیکلر، انگلیسلر، اوروپالیکلر و اوزیمیز نینگ مرکزی بانگیمیز همده آسیا بانکی نینگ کوزیدن چیتده قالمه یدی".

اونگه کوره، مزارشریف شهریده اونینگ بیش یوز ته قباله سی بارلیگی حقیده هم ادعا قیلینماقده. او شونینگ دیک،برچه بایلیکلری شرعی بولیب، بو خصوصده هیچ کیم دن قورقمسلیگی تاکیدله یدی:"اگر شونده ی مالکیتگه ایگه بولرایکن من، هیچ کیم دن قورقمه ی من. برچه بایلیگیم مشروع. هیچ کیم دن قورقمه ی من. نه محکمه دن، نه جمهور رییسی دن، نه کابینه سیدن، نه وزیریدن؛ نه اوردوسیدن ونه قوه سیدن. بونی مین اوغیرله مه گن من، بو مینینگ مشروع حقیم".

نورجنابلری بو موجود بایلیکلرنی قانونی یوللر آرقه لی قولگه کیریتگنینی ایته دی. اوشونینگ دیگ، بولیب اوتکن ایکله دور جمهور رییسلیک سیلاولریده جونته گیدن کته مقدار ده مبلغ صرفله نی نی ایتیب، بو خصدصده جواب بیریشگه تیارمن دییدی.

اجتماعی ترماغلر، اینیقسه بیرقطار فسبوک صحیفه لریده بلخ حاکمی یوزلب میلیون دالرنی ناقانونی یوللر آرقه لی قولگه کیریتگنی و کمیده بیش یوزگه یقین بنا وشهرچه لرنی قیزلری، اوغیللری و یقینلری نامیگه اوزلشتیرگنی باره سیده ادعا قیلنماقده.

اما بو ادعالر دشمنلری تمانیدن اونینگ شخصیتیگه فطور ییتکزیش مقصدیده قیلینه یاتگنی نی ایتدی.

بلخ ولایتیده مینگلب جریب ییر زوره وان شخصلر تمانیدن زوردن آلینیب، اولرده ناقانونی شهرچه لر قوریلگنی ایتیلماقده.