کابل پلیس قوماندانلیگی بناسیده پارتلش یوزبیردی

کابل پلیس قوماندانی ژنرال ظاهر ظاهرنینگ ایتیشیچه انتحارچی شخص قوماندانلیک ایشخانه سیگه کیریب باریب اوزینی پارتلگن. او بوحادثه ده پلیس اداره سی نینگ ایشخانه مدیری هلاک وینه آلتی کیشی یره لنگنینی ایتدی.

ظاهر جنابلری نینگ ایتیشیچه، ملکی انتحارچی شخص قولیده دوسیه سی بولیب قوماندالیک ایشخانه سی گه قدر کیریب باریشگه موفق بولگن. پلیس اداره سیگه کیریب باره دیگن هربیرشخص جدی تیکشیریله دی. شوندی بیرحالده بوشخص قندی قیلیب ایشکری کیریب باریشگه موفق بولگن. کابل پلیس قوماندانی بوحقده شوندی دیدی:"کیریب کیله دیگن شخصلر قتیق تیکشیریله دی. ایشانچیم کامل دیرکه بو شخص تیکشیریش محل دن ایمس بلکه موتر ارقه لی کیلگن بولیشی ممکن، بوییرده یکه پلیس اداره سی ایمس بلکه باشقه اداره لرهم بارهرکونی اوتیزمینگ شخص کیلیب کیته دی. چونکی بوییرده کابل ولایتی، حج اوقاف کبی اداره لرموجود."

کابل پلیس باشلیغی شونینگ دیک بو هجوم الدین دن ریجه لشتیریلگنینی تیلگه آلدی. بونینگ آرقه سیده افغانستان دشمنلری قولی بارلیگینی ایتیب، حادثه بویچه تحقیقات ایشلر باشلگنینی معلوم قیلدی.

بوندن الدین افغانستان عامه ساغلیک وزیرلیگی سوزچیسی کنشکا ترکستانی بو هجومده بیر کیشی اولیب یتتی کیشی یره لنگنیدن خبربیرگن ایدی.

طالبان گروهی هجوم مسوولیتی نی اوز ذمه سیگه آلیب انتحاری بولگنینی ادعا قیلگن ایدی. اوشبو گروه سوزچیسی ذبیح الله مجاهد رسانه لرگه پیام یوللب، کابل پلیس قوماندانی چیت ایللیک مصلحتچیلر بیلن یغینده بولگن بیر پیت انتحارچی شخص اوزینی پارتلگندیب ادعا قیلگن.

بوندن الدین راق کابل شهری نینگ " کارته نو" محلله سیده هم پارتلش روی بیردی. رسمیلرگه کوره، ملی پارتلشده هیچ کیم ضرر کورمه گن.