افغانستان حکومتی اولوسی جرگه گه خوفسیزلیک پیمان حقیده ایضاح بیردی

Image copyright AFP

افغانستان حکومتی امریکا و ناتو بیلن امضالنگن خوفسیزلیک و مدافعه وی کیلیشوونامه خصوصیده اولوسی جرگه نینگ تشویشلری نظرده توتیلیشی مهم لیگی نی تاکیدله گن.

عینی مناسبت بیلن بوگون افغانستان حکومتی رسمیلری اولوسی جرگه اعضالریگه ایضاح بیریب ، بو مسله نی وکیللر بیلن یاپیق ایشیک آرتیده محاکمه ایتیشگن.

بوگون افغانستان اولوسی جرگه سی یاپیق ایشیک آرتیده امریکا و ناتو بیلن امضاله گن امنیتی کیلشوو بیتم لرنی محاکمه ایتگنلر. امریکا ایلچیسی ، افغانستان تشقی ایشلر وزیری و جمهور رییس نینگ ملی امنیت مصلحتچیسی هم جلسه ده اشتراک ایتگنلر. ملی امنیت مصلحتچیسی حنیف اتمر بو باره ده اولوسی جرگه اعضالریگه معلومات بیریش مهم ایکنلیگی نی تاکیدله دی:" افغانستان حکومتی ایککی کیلشوو بتیمنی هم اولسی جرگه قانون گه مطابق قرار قبول قیلیشی اوچون پارلمانگه یوباریشگه قادر بولدی. بیز اولوسی جرگه نینگ قضاوت و قراریگه ایشانه میز، کیره کلی وهم معلومات اولراختیاریده قوییلدی. بومعلوماتلر اساسیده مملکت منفعتیگه بولگن قرار آلیش لریگه امیدبیلدیره میز".

ایتیلیشیچه، امریکا بیلن خوفسیزلیک ومدافعه وی شرطنامه تصدیقلنیشی بیلن خارجی کوچلرنینگ میلادی 2014 ییلدن کیین افغانستانده قانونی قالیشی انیقلنه دی.

عین حالده، مذکور شرطنامه نینگ مضومونی توغریسیده اولوسی جرگه ده قره مه قرشی لیکلر هم بارلیگی ایتیله دی. وکیللردن برقطاری امریکالیکلرنینگ قضایی مصوونیتی، تفتیش، مالیوی و ملی حاکمیت موضوعلری باره سیده تشویش بیلدیریشگن. اما مشران جرگه منشی سی عزیرالله الفتی بو قره مه قرشیلیکلر شرطنامه نینگ تصدیقلنیشیگه تاثیر ساله آلمسلیگی ممکنلیگی نی تاکیدله یدی.

افغانستان ینگی حکومتی اوزی نینگ بیرینچی ایش کونلریده امریکا بیلن امنیتی پیماننی امضاله دی. بو شرطنامه نیچه هفته الدین تصدیق له نیش اوچون پارلمانگه یوباریلدی.

لیکن حاضرگه قدرهم پارلمان نینگ عمومی جلسه سیده بحث گه آلینمه گن.

طالبان گروهی امریکا و افغانستان اورته سیده امضالنگن امنیتی پیمان گه جدی قرشیلیک بیلدیرگن. پیمان امضاله نیشی بیلن اوز هجوملرینی شدتلنتیریشلری باره سیده اگاه لنتیرگن ایدی.